काठमाडौं, साउन १२ । आधारभूत स्वास्थ्य सेवालाई प्रभावकारी र गुणस्तरीय बनाउन सरकार प्रतिवद्ध रहेकोे प्रधानमन्त्री शेरबहादुर देउवाले बताएका छन् ।
उनले त्यसका लागि आवश्यक उपकरण खरिद गर्नका लागि पर्याप्त बजेट विनियोजन गरेको जानकारी दिए । वीर अस्पतालको १ सय २८ औं वार्षिक उत्सवको अवसरमा विहीबार काठमाडौंमा आयोजित कार्यक्रममा प्रधानमन्त्री देउवाले आधारभूत स्वास्थ्य सेवालाई प्रभावकारी बनाउने गरी काम गरिरहेको बताए ।
वीर अस्पतालको सेवालाई गुणस्तरीय र प्रभावकारी बनाउन सरकारले पर्याप्त बजेटको व्यवस्था गरेको प्रधानमन्त्री देउवाले बताए । उनले सबै नागरिकलाई प्रत्यक्ष अनुभूति हुने गरी गुणस्तरीय र भरपर्दो स्वास्थ्य सेवा प्रदान गर्नका लागि पनि वीर अस्पताललाई सचेत गराए । ।
0
Shares
