काठमाण्डौ, माघ २३ । नेपालको सुपरस्टार अनमोल केसीको क्रेज नेपालीदर्शक माझ मात्र नभएर अन्तर्राष्ट्रिय स्तरमा पुगेको चर्चा निकै बढ्दो छ । यसपाली फेरी उनको चलचित्रको ट्रेलर सार्वजनीक भएसँगै उनको क्रेज पुनः दर्शक सामु वाह्तै बढेको छ ।
चलचित्र ‘कृ’ रिलिजपश्चात उनको स्टारडम कमजोर भएको चर्चालाई उनले गलत साबित गरेका छन् । यसअघि नेपाली फिल्मका ट्रेलरले बनाएका सबै रेकर्ड ध्वस्त पार्दै शुक्रवार दिउँसो युट्युब रिलिज भएको उनी अभिनीत यस वर्षको बहुप्रतिक्षीत फिल्म ‘क्याप्टेन’ ट्रेलरले युट्युबमा किर्तिमानी रेकर्ड बनाएको छ ।
रिलिजको २४ घण्टामा ट्रेलरलाई ८ लाखभन्दा बढीले हेरिसकेका छन् । आजसम्म कुनै नेपाली फिल्मको ट्रेलरले रिलिजको २४ घण्टामा ८ लाख ’प्लस’ भ्यूज बटुल्न सकेका थिएनन् । उनले अभिनय गरेको फिल्म ’कृ’ को ट्रेलरलाई ६ लाखभन्दा बढी हेरिएको थियो ।
‘क्याप्टेन’ ट्रेलरप्रति हजारौं कमेन्ट सकारात्मक आएका छन् । ट्रेलरलाई युट्युबमा ४२ हजार बढीले लाइक्स गरेका छन् । दीवाकर भट्टराई निर्देशित यस फिल्मले अहिलेसम्मकै सर्वाधिक ओपनिङ कलेक्सनमा रेकर्ड राख्ने अनुमान फिल्म पण्डितहरुको छ । चलचित्र फागुन १७ मा रिलिज हुँदैछ ।
फिल्मको ट्रेलरमा खेलाडीमा देशप्रेमको भावना जगाउन भारतसँगको नाकाबन्दी र सीमा द्वन्द्वको विषय उठाइएको छ । फुटबलमा देशलाई गोल्ड मेडल जिताउने अठोट बोकेको एक युवकको जीवनमा आउने अनेकौं उचारचढावमा फिल्म आधारित रहेको ट्रेलरले जनाएको छ । ट्रेलर हेर्ने सबैले अनमोलको रोमान्टिक र खेलाडी अवतारलाई खुब रुचाएका छन् ।
फस्टलुक पोस्टरमा देखिएको अनमोलको खेलाडी लुक्स र हालसालै सार्वजनिक भएको ’रहर छ सँगै’ बोलको रोमान्टिक गीतले फिल्मको लोभलाग्दो हाइप निर्माण गरिसकेको अवस्थामा सार्वजनिक ट्रेलरले ‘क्याप्टेन’ प्रति दर्शकमा कौतुहलता र रौनकता एवं उत्सुकता बढाएको छ ।
यस फिल्ममा अभिनेत्री द्वय उपासना सिंह ठकुरी र प्रियंका एमभीसँग अनमोलको जोडी बाँधिएको छ । सुनिल थापा, प्रशान्त ताम्राकार, सरोज खनाल, विल्सन विक्रम राई, राजाराम पौडेललगायतका कलाकारहरुको पनि अभिनय रहेको फिल्मका निर्माता भुवन केसी हुन् । चलचित्रमा पटकथा सामिप्यराज तिमल्सिनाको रहेको छ ।
