६९ औं राष्ट्रिय प्रजातन्त्र दिवसको अवसरमा वजार क्षेत्रमा सरसफाई

बद्री पन्त
जाजरकोट, फागुन ६ । ६९ औं राष्ट्रिय प्रजातन्त्र दिवसको अवसरमा जाजरकोट सदरमुकाम खलंगा वजार क्षेत्रमा सरसफाई गरीएको छ । राष्ट्रिय प्रजातन्त्र दिवस मुलसमारोह समितिको आयोजनामा सरसफाई गरीएको हो ।

सरसफाई कार्यक्रममा सरकारी कार्यालय प्रमुख, नागरीक अगुवा, पत्रकार, नेपाली सेना, प्रहरी, शसस्त्र प्रहरी लयाएतको सहभागिता रहेको थियो । शान्तिचौतारा बस पार्क, गैरीखाली लगाएत स्थानमा सरसफाई गरेको कार्यक्रम मुल समारो समितिका संयोजक तथा जिल्ला समन्वय प्रमुख मनबहादुर रावलले बताएका छन् ।

प्रमुख रावलले दिवस सफल पार्न सक्रिय सहभागिताको स्थानीयबासी तथा सवैमा अनुरोध गरेका छन् । वजार सरसफाई, प्रभात फेरी, घरघरमा दिपावली लगाएतका कार्यक्रम गरेर राष्ट्रिय प्रजातन्त्र दिवस मनाउन जिल्लावासीलाई अनुरोध गरेको प्रमुख रावलले जानकारी गराएका छन् ।