राजु थापा अन्तराष्ट्रीय सम्वाददाता, क्यानडा
01 August, 2017
गैर आवासीय नेपाली संघ एनआरएनए क्यानडाको राष्ट्रीय समन्वय समिति (एनसीसी) प्रतिनिधिको निर्वाचनमा गत २३ जुलाई, २०१७ अर्थात विसं २०७४ साउन ०८ मा सम्पन्न भैसकेको छ ।
निर्वाचित हुनेहरुमा Mississauga बाट प्रमिला बस्नेत र सुर्य सापकोटा, Brampton बाट गोपिकृष्ण काफ्ले, राजकुमार महत र बिमला साप्कोटा, Ottawa बाट रमेश बानियाँ, Toronto बाट चिरन घिमिरे र बिनोद राना, Scarborough बाट रबिन्द् घिमिरे, Calgary बाट दिनेश घिमिरे र माधव दुलाल, Monitoba बाट डा.देवी प्रशाद अधिकारी, BC बाट चन्द् अधिकारी, Quebec ER बाट दिपक श्रेष्ठ छन् भने यसअघि Edminton बाट शुभाष गिरी, Saskatchewan बाट देबेन्द् सुवेदी र Wester Ontario बाट करुण कार्की निर्विरोध निर्वाचित भैसकेका छन् ।
अब हुने नेतृत्वका लागि गोपिकृष्ण काफ्ले, दबेन्द्र सुवेदी, प्रमिला बस्नेत, राजकुमार महत र सुर्य सापकोटाको दावेदारी हुने देखिएको छ । अध्यक्षको उम्मेदवारीको लागि एक कार्यकाल एनसीसी सदस्य वा पदाधिकारी भएको हुनुपर्ने भन्ने विषयको अन्योल कायमै छ । यदि त्यसो हुनेहो भने राजकुमार महत र सुर्य सापकोटा अयोग्य ठहरिने छन् । यस बिषयमा सबैले आआफ्नो तर्क र बिचार राखिरहेका छन् तर निर्वाचन कमिटिले त्यसबारेमा कुनै आधिकारीक धारणा, प्रकृया र योग्यता सार्वजनिक गरेको छैन । यदि यस विषयमा पहिलेनै प्रष्ट नगरि गएमा ५ अगष्टमा हुने १० औं राष्ट्रीय अधिवेशनमा बिवाद हुने देखिएको छ । एक त स्कारब्रोलाई टोरोन्टोबाट अलग गरेको विषय गैह्कानुनी हो भन्दै दर्ता गरेको मुद्धा अदालतमा बिचाराधिन छ । अदालतको निर्णय आउनु पूर्वनै वर्तमान अध्यक्ष तुल्सी सापकोटा नेतृत्वको कार्यसमिति भने जसरी पनि अधिवेशन सम्पन्न गरि नयाँ नेतृत्व हस्तान्तरण गर्ने पक्षमा रहेको छ तर सहज भने देखिएको छैन । अझ अर्को कुरो त राष्ट्रीय अधिवेशन सम्मन्न भए पनि अदालतको निर्णय कानुन विपरित ठहरिएर आएमा यि सबै प्रकृया रद्ध हुनेछ र अर्को जटिलता थपिने छ । यस विषयमा निर्वाचन समिति र बर्तमान कार्यसमिति त्यति गम्भिर नभएको र समस्या समाधानमा त्यति अग्रसरता नदेखाएको देखिन्छ । अर्को कुरा त नर्थ अमेरिका अन्तराष्ट्रीय संयोजक र उप सम्योजकले गरेको विवादित पत्राचारले त झन क्यानडाको अधिबेशनमा अर्को तरंग फैलाएको छ ।
अब यहि अगष्ट ५, २०१७ शनिवार अर्थात विसं २०७४ साउन २१ गते टोरोन्टोको स्कारब्रोमा हुन गैरहेको एनआरएनए क्यानडाको १० औं राष्ट्रीय अधिवेशन बाट नयाँ नेतृत्व लगायत नयाँ बोर्डको गठन हुने छ । यस बारेमा एनआरएन क्यानडाले सूचना सार्वजनिक गरिसकेको छ । स्मरण रहोस् कि, यदि कुनै कारणले क्यानडाको १०औं राष्ट्रीय अधिवेशन तोकिएको समयमा सम्पन्न हुन नसकि बिवाद श्रृजना भै अनिश्चितता थपेमा आउदो सेप्टेम्बर/अक्टोबरमा काठमाडौंमा हुने आईसीसीको अन्तराष्ट्रीय सम्मेलनमा क्यानडाबाट प्रतिनिधिहरुको सहभागिता हुन अप्ठेरो पर्नेछ ।
