पाकिस्तान, फागुन १५ । पाकिस्तानाको वायुसेनाले भारतका दुई ओटा लडाकू विमान खसालेको पाकिस्तानी सेनाले दाबी गरेको छन् । तीमध्ये एउटा विमान पाकिस्तानको हवाइ क्षेत्रमा खसालिएको र विमान चालकलाई पक्राउ गरिएको पाकिस्तानी सेनाले जानकारी गराएको छ ।
साथै विमानलाई पनि ध्वस्त गरेको पाकिस्तानी सैनिकले जारी गरेको विज्ञप्तिमा उल्लेख गरिएको छ । पाकिस्तानी सेनाका प्रवक्ता मेजर जनरल आसिफ गफूरले एक भारतीय युद्धक विमान पाकिस्तानभित्र नै खसेको बताएका छन् । प्रवक्ताले अर्को भारतीय युद्धक विमान भारत नियन्त्रित काश्मिरमा खसेको जानकारी गराएका छन् ।
यद्यपी भारतीय सञ्चार माध्यमले भने पाकिस्तानले भारतीय दुई युद्धक विमान खसालेको समाचार झूठो भएको दाबी गर्दै समचार सम्प्रेसण गरिरहेका छन् । भारतीय सञ्चार माध्यमले पाकिस्तानले पुरानो तस्वीर टेलिभिजनमा देखाएर पाकिस्तानी जनतालाई शान्त्वना प्रदान गरिरहेको र भारतलाई तर्साएको भारतको भनाइ रहेको बताइ रहेका छन् ।
