ललितपुर, फागुन १६ । ललितपुर महानगरपालिकाका मेयर चिरिबाबु महर्जनल कुनै दल विशेषप्रति आग्रह राखेर विकासका कार्यमा पूर्वाग्रह नगर्ने प्रतिबद्धता जाहेर गरेका छन् ।
मेयर महर्जनले महानगरपालिका–१८ को मगरगाउँमा बिहीबार आयोजित एक कार्यक्रममा स्थानीय तहमा हुने विकास निर्माणका कार्यमा जनतासँग हातेमालो गरेर अघि बढ्न महानगर सधै तयार रहेको बताएका छन् । आप्mनो २० महीनाको कार्यकालमा ६४ वटा बैठक सञ्चालन भइसकेको उनले जानकारी गराएका छन् ।
उनले राजनीतिक रुपमा आफू अल्पमतमा रहे पनि एउटा पनि विवाद नरहेको प्रष्ट पारेका छन् । वडा नं १८ का वडाध्यक्ष पुरुषोत्तम खड्काले स्थानीय विकास निर्माणमा पूर्ण पारदर्शिता अपनाएमा बजेटको अभाव नहुने जानकारी गराएका छन् । कार्यक्रममा मगरगाउँ पीपलबोट सडक निर्माण उपभोक्ता समितिको अगुवाइमा मगरगाउँदेखि सानो खोकनासम्मको सडक निर्माण सम्पन्न भएको जानकारी गराएको थियो ।
उक्त सडक निर्माण गर्न महानगरपालिका र स्थानीय उपभोक्ताको चन्दाबाट करीब रु ३२ लाख प्राप्त भएको समितिले जानकारी गराएको छ ।
