काठमाडौँ, साउन १९ । चावहिल मित्रपार्क स्थित पशुपति बहुमुखी क्याम्पसमा नेकपा (एमाले) निकट अनेरास्ववियुका विद्यार्थीहरुले शैक्षिक सुधारको माग राख्दै तालाबन्दी गरेका छन् ।
अनेरास्ववियुले क्याम्पस प्रमुख र अनुगमन समितिको कार्यकक्षमा ताला लगाएका हुन् । अनेरास्ववियुका विधार्थीहरुले आफ्नो माग पुरा गराउनु पर्ने भन्दै अक्याम्पस प्रमुखको कोठामा यही साउन १२ र अनुगमन समितिको कार्यकक्षमा आजदेखि ताला लगाएको अनेरास्ववियुका क्याम्पस इकाई अध्यक्ष उत्तर खड्काले जानकारी गराए । विधार्थीसँग गरिएको सहमति कार्यान्वयन नगरेपछि ताला लगाइएको खड्काले बताएका छन् ।
क्याम्पसमा प्राथमिक उपचार हुनुपर्ने, आन्तरिक परीक्षालाई व्यवस्थित बनाइनुपर्ने, पुस्तकालयमा पर्याप्त मात्रामा पुस्तक उपलब्ध गराउनुपर्ने, आर्थिक कारोबार बैंकिङ प्रणालीबाट गरिनुपर्ने, प्रशासनिक काम बिहान र बेलुका हुनुपर्ने लगायतका माग राखी ताला लगाइएको इकाई अध्यक्ष खड्काले जानकारी गराएका छन् ।
विधार्थीहरुले राखेका माग जायज तथा समय सान्दर्भिक रहेको र यी मागहरुलाई छिटै पुरा गर्न क्याम्पस लागि पर्नेे कुरा सहायक क्याम्पस प्रमुख कल्याण दाहालले बताएका छन् ।
