काठमाडौँ, चैत १८ । नेपाली काँग्रेसका केन्द्रीय सदस्य गगन थापाले भौगोलिक एकता दर्शाउँदै आँधी आए तराईमा पहाडले छेक्नुपर्छ भनेझैं सबैलाई विपद्मा सहयोग गर्न आग्रह गरेका छन् । उनले सामाजिक संजाल ट्वीटरमार्फत हावाहुरीका कारण मृत्यु हुने सम्पूर्णमा श्रद्धाञ्जली व्यक्त गर्दै घाइतेहरुको शीघ्र स्वास्थ्यलाभको कामना गरेका छन् ।
उनले लेखेका छन्, ‘गए राती भएको भीषण हावाहुरीका कारण मृत्यु हुने सम्पूर्णमा श्रद्धाञ्जली र घाइते हरुको शीघ्र स्वास्थलाभको कामना, अहिले बारा र पर्सा बासीमा सबैको सहयोग को खाँचो रहेको छ । आधि आए तराईमा पहाडले छेक्नु पर्छ भनेझैं सबैलाई यस विपत्तिको सामना गर्न सहयोग गर्न अपिल गर्दछु ।’ उनले दिएको सन्देस स्वरुप नै अहिलेको अवस्थामा सबैको ध्यान त्यतैतिर केन्द्रित भई रहेको छ ।
प्रदेश नं. दुईका सरकारका मन्त्रीहरु घटनास्थलमा पुगिसकेका छन् । दुई नं. प्रदेश सरकारले सो घटनामा निधन भएकालाई जनहि तीन लाख सहयोग प्रदान गर्ने जनाइ सकेको छ । साथै केन्द्रीय सरकारका गृहमन्त्री लगाएतका प्रतिनिधीहरु सो स्थान तर्फ जादै छन् । अन्य निकाय र क्षेत्रबाट पनि राहत र उद्धारको कामलाई तिव्रता दिइएको छ ।
