ललितपुर, चैत २२ । वडा अध्यक्षमा ह्याट्रिक गरेका चिरीबाबु महर्जन जब ललितपुर महानगरपालिकाको मेयर पदमा विजयी भए, त्यत्तिबेला महिनौंसम्म कार्यकक्षमै आएर बधाई दिनेको धुइरो टुटेको थिएन् । चौथो तल्लामा रहेको उनको कार्यकक्षमा पुगेर बधाई दिनेहरु भ¥याङ उक्लिएरै त्यहाँ पुग्थे । तर एक दिन अपागंता भएका समूह जो ह्वीलचियर प्रयोगकर्ता थिए, उनीहरु बधाइ दिन पुल्चोकस्थित ललितपुर महानगर पुगे ,त्यत्तिबेला मेयर महर्जन खिन्न भए ।
त्यसको कारण थियो , आफ्नो कार्यालय अपागंता मैत्री नहुनु । लिफ्ट नभएका कारण बधाई दिन आएकाहरु कार्यकक्षमा पुग्न सकेका थिएनन् । भुइँ तल्लामा ओर्लिर उनले बधाई लिए र त्यत्ति बेला नै उनले जतिसक्दो छिटो महानगरपालिकाको कार्यालयमा लिफ्टको व्यवस्था गर्ने प्रतिबद्धता जनाएका थिए । लिफ्ट जडानका लागि काम भइरहेको स्थान अवलोकन गरिरहेका मेयर महर्जनले भने, ‘तीन महिनापछि उहाँहरु सजिलै मेरो कार्यकक्षमा आउन सक्नुहुन्छ । ’
केही महिना अघि महानगरबासी तथा कलाकार मदनकृष्ण श्रेष्ठ मेयर महर्जनको कोठामा पुगे । स्वाँ स्वाँ गर्दै पुगेका बिरामी मदनले मेयर तर्फ हेरेर भने, ‘लिफ्ट चाहियो, खै लिफ्ट ?’ त्यत्तिखेर उनले मदनलाई भनेका थिए, ‘ जडानको काम छिट्टै सुरु हुन्छ ।’ लिफ्ट नहुँदा अहिले पनि अपागंता भएका , वृद्धवृद्धा र बिरामीले समस्या भोगिरहेका छन् । लिफ्टको आवश्यक पर्दा सवलागंले पनि प्रयोग गर्न सक्ने बताए ।
ललितपुर महानगर अब अपागंमैत्री भएको बताए । झण्डै दुई वर्ष अघिको त्यो दिन सम्झँदै उनले भने, ‘ त्यो दिन म खुशी हुँदा हुदै दुखी भएको थिएँ, मन खिन्न भएको थियो ।’ प्रक्रिया पु¥याएर लिफ्ट जडानको काम थाल्न केही समय लागेको उनले स्वीकार गरेँ । ललितपुर महानगरपालिका अपागंमैत्री भएको बताए । लिफ्ट नहुदाँ उनले हिव्यचियर प्रयोग कर्ता र भ¥याङ आवतजावत गर्न नसक्नेलाई भुई तल्लामा छुट्टै कोठाको व्यवस्था गरेर भेट्दै आएका थिए ।
जडान हुँदै गरेको लिफ्टको क्षमता एक हजार किलोग्राम हुने सूचना अधिकारी तथा सहरी विकास योजना महाशाखाप्रमुख रुद्र गौतमले बताए । पाँचवटा ढोका भएको उक्त लिफ्ट अपागंतामैत्री भएको जानकारी दिए । लिफ्ट जडानले अशक्तहरुलाई माथिल्लो तल्लामा पुग्न र तल ओर्लन सजिलो हुने बताउँदै भने, ‘ फलाम र टफन ग्लासयुक्त चार तल्ले हुन्छ । ’ लिफ्टको प्रयोगमा अपागंता भएका व्यक्ति , वृद्धवृद्धा र बिरामीलाई प्राथमिकता दिइने उनले बताए ।
