काठमाण्डौ, चैत्र २८ । सन् २०१० मा आएको फिल्म ’फस्ट लभ’ बाट चलचित्र जगतमा एकाएक होमिएकी ऋचा शर्मा उम्दा अभिनय गर्ने अभिनेत्रीको रुपमा परिचित छिन् । उनले जीवन्त अभिनयद्वारा दर्शकको मन जित्न क्ने एक सफल अभिनेत्री समेत भनिन्छ । उनी पछिल्लो समय फिल्म निर्माणतर्फ पनि सक्रिय छिन् ।
’आधा लभ’ र ’सुनकेसरी’ उनले निर्माण गरेका फिल्म हुन् । जुनसुकै भूमिकालाई पर्दामा न्यायपूर्वक निभाउन उनी खप्पिस छिन् । यसैले त उनी भर्सटायल अभिनेत्रीको दर्जा पाएकी छिन् ।
उनको उमेर ३१ वर्ष भइसकेको र आफ्नो ९ वर्ष लामो फिल्म करिअरमा दुई दर्जन बढी फिल्ममा अभिनय गरिसकेकी छन् । उनले सम्झनलायक धेरै फिल्म गरेको भएता पनि बक्सअफिसमा सफल ठहरिएका फिल्म भेट्न भने मुश्किल पर्छ । उनी सधैं आफ्नो अभिनयका कारण चर्चामा रहिन् । बेलाबखतमा उनको अभिव्यक्तिले पनि सिनेवृतमा तरंग ल्याउने गरेको छ । पछिल्लो समय भने उनी अभिनयमा पनि निस्कृयजस्तै देखिएकी छन् । उनको अभिनय सँगसँगै उनको हाइट र लुक पनि उतिकै आकर्षित छन् ।
