गहना पोखरीमा जात्रा हेर्नेको घुइचो

काठमाडौँ, वैशाख ७ ।  काठमाडौंको हाँडीगाउँमा गहना खोज्ने जात्रा धुमधामका साथ मनाउने क्रम जारी छ । गहना पोखरीमा टुँडाल देवीको खटलाई पोखरीभित्र तीनपटक परिक्रमा गराएपछि देवीको गहना खोज्ने प्रचलन छ ।टुँडालदेवी खटजात्राबारे प्रख्यात कथनअनुसार छोरी भाटभटेनीले आमा टुँडालदेवीलाई भेट्न जाँदा गोप्य सम्बन्ध रहेका पोडेसँग घुम्न हिँडेकी देखिछन् । यसबाट रिसाएकी भाटभटेनीले राति नै फर्किएको भन्ने कथन छ । जुनबेला हराएको गहना नै प्रत्येक वर्ष खोज्ने गरिएको भनाइ छ ।बलि दिइएको राँगाको रगतले नुहाएका (पोडे) द्यला: पूजारीलाई शिरमा राखी गरिने टुँडालदेवीको गहना खोज्ने जात्रा परम्पराअनुसार चैत्रशुक्ल प्रतिपदाका दिन हुने गर्छ।उपत्यकाका विभिन्न स्थानबाट जात्रा र हेर्नका लागि र पुजा गर्नका लागि आएका भक्तजन जात्रा प्रेमीहरूको अहिले गहनापोखरीमा भीड लागिरहेको देख्न सकिन्छ । उक्त भीडलाई नियन्त्रण गर्न पुलिसलाई हम्मेहम्मे परेको समेत देख्न सकिन्छ ।जात्रा हेर्न कै लागी आएका जात्रा प्रेमीहरूको भिडभाडलाई नजिकैबाट नियाल्न निकै कठिन छ ।