काठमाडौँ, वैशाख १८ । काठमाडौँ महानगरपालिकाले विकासका कार्य योजनाहरु बग्रेल्ति सार्वजनिक गरे पनि काम भने समयमा नै गर्न सकेकोृ अवस्था छैन् । पुनः निर्माणका कामदेखि लिएर नयाँ योजनाहरुले पनि गति लिन नसकेको अवस्था छ । स्थानिय निर्वाचन ताकाका जनतालाई विछ्याएका जालो रदेखाएका सवनालाई हेर्ने हो भने त झनै जनतामा आक्रोस पैदा हुने दिन धेरै कुर्न नपर्ने देखिन्छ ।
यद्यपि चालु आर्थिक वर्ष भित्र नै दुई वटा आकाशे पुल निर्माण कार्यलाई तिव्रता दिने भएको छ । महानगरले यसै आर्थिक वर्ष केही समय अघिनै पुल निर्माणको काम शुरु गर्ने भनिए पनि विभिन्न आन्तरिक व्यवस्थापनको पाटोलाई समस्याको रुपमा देखाउँदै कामलाई अघि बढाउन सकेको थिएन । विभिन्न आठ स्थानमा स्थानान्तरण गर्न सकिने पुल निर्माण काम थाल्ने जानकारी गराएको भए पनि आन्तिरिक विवाद र समस्याका कारण तत्काललाई भने दुई स्थानमा मात्रै पुल निर्माणको कार्यले तिव्रता पाउने सम्भावना रहेको प्रवक्ता ईश्वरमान डङ्गोलले जानकारी गराएका छन् ।
डङ्गोलले महानगरले तत्काल चाबहिल र पुरातत्व विभाग अगाडि पुल निर्माण गर्न लागेको बताएका छन् । महानगरले चालु आव २०७५÷७६ का लागि रु १३ अर्ब दुई करोड १२ लाख ३७ हजारको बजेट विनियोजन गरेको थियो । भौतिक पूर्वाधार निर्माण गर्न चालु आवमा रु चार अर्ब छ करोड बजेट विनियोजन गरिएको छ । सबैभन्दा बढी महानगरभित्रका सडक विस्तार र मर्मतमा खर्च गरिने छ ।
नयाँ ती पुल निर्माणका लागि रु १२ करोड बजेट विनियोजन गरिएको छ । महानगरभित्र सुन्धारा, नयाँ सडक, वीर अस्पताल, रत्नपार्क–भोटाहिटी, जमल, रत्नपार्क, बागबजार, पुरानो बसपार्क, भद्रकाली र नयाँ बसपार्कमा आकाशे पुल सञ्चालनमा छन् । सञ्चालनमा रहेका केही पुललाई पुनःनिर्माण गर्नुपर्ने अवस्था छ । वीर अस्पताल अगाडिको पुल अत्यन्त जीर्ण भएकाले तत्काल मर्मतको आवश्यकता रहेको छ ।
भद्रकाली, पुरानो बसपार्क र नयाँ बसपार्कमा केही वर्षअघि निर्माण गरिएको पुल मर्मत गर्न नपर्ने देखिएको छ । पुल निर्माण गर्ने आठ स्थानमा टेकु भन्सार, त्रिपुरेश्वर, पुतलीसडक, महाराजगञ्ज, कोटेश्वर, गौशालाचोक रहेका छन् । सवारीसाधनको अत्यधिक चाप हुने तीे क्षेत्रमा त्यस्ता पुलको अभावमा पैदलयात्रुलाई बाटो काट्न समस्या हुँदैआएको छ । पैदलयात्रुले जथाभावी बाटो काट्दा सवारी जामको अवस्था देखिँदै आएको छ ।
दुर्घटना न्यूनीकरण, ट्राफिक व्यवस्थापनसँगै पैदलयात्रुको सहजताका लागि ट्राफिक प्रहरी र सडक विभागको सहकार्यमा महानगरले ती स्थानमा नयाँ किसिमका पुल बनाउन लागेको हो । स्थानिय जनप्रतिनिध्ीहरु नै आन्तरीक कलह झै भगडामा केन्द्रित हुँदै जाने हो भने आगामि दिनमा जनताले कस्लाई विस्वास गर्ने भन्ने ठूलो प्रश्न च्न्हि खडा भएको छ ।
