काठमाण्डौ, बैशाख १९ । सिने जगतमा जल्दो बल्दो निर्देशक हुन युवा निर्देशक दीवाकर भट्टराई । उनले ’स्टुपिड मन’, ’ऐश्वर्य’, ’क्याप्टेन’ जस्ता हिट चलचित्रहरु निर्देशन गरिसकेका छन् ।
विशेषगरि लभस्टोरी फिल्म बनाउन उनी निकै खप्पिस छन् । उनले निर्देशन गरेका लभस्टोरी फिल्मलाई दर्शकले राम्रै मन पनि पराएका छन् ।
गएको फागुनमा प्रदर्शनमा आएको अभिनेता अनमोल केसी स्टारर फिल्म ’क्याप्टेन’ पछि उनी अहिले एक लभस्टोरी फिल्मको तयारीमा उनी जुटेका छन् ।
अभिनेत्री दीपिका प्रसाइँसँग चाँडै नै लगनगाँठो कस्न लागेका निर्देशक भट्टराई दशैंपछि फिल्मको छायांकन सुरु गर्ने सोचमा छन् । प्राप्त जानकारी अनुसार उनको आफ्नै कथामा बन्ने फिल्मको अहिले स्क्रिप्टमा कार्य भइरहेको छ ।
फिल्ममा अभिनेता आर्यन सिग्देल र अभिनेत्री दीपिका प्रसाइँको लिड रोल रहने सम्भावना रहेको बताइएको छ ।
आफ्नो नयाँ प्रोजेक्टमा आर्यन र दीपिकाको जोडी बाँधिन लागेको तर फाइनल नभएको जानकारी दिँदै निर्देशक दीवाकरले बताएका छन् ।
उनले स्क्रिप्ट फाइनल भएपछि मात्र उहाँ हुनेरनहुने टुंगो लाग्ने समेत जानकारी दिए । उननीसँग फिल्मको कन्सेप्त मात्र भएको तर त्यसलाई पटकथामा ढाल्न केही समय लाग्ने स्पष्ट पारे ।
