काठमाडौं, बैशाख २९ । नेपाली चलचित्र ‘कुम्भ करण’को ट्रेलर रिलिजसँगै चलचित्र पनि जेठ १७ गते रिलीज हुने भएको छ । ट्रेलरमा रोमान्टिक, सस्पेन्स र कमेडी बिषय वस्तुलाई समेटिएको छ ।
सो चलचित्रमा नायिका निशा अधिकारी शिक्षिकाको भूमिकामा छिन् भने गौरव पहारी शिक्षक, भोलाराज सापकोटा प्रधानाध्यापक, अभय बराल पिउनको भूमिकामा छन् । साथमा आकाश पल, कुलदिप अधिकारी, सद्भाव थापा लगायतको मुख्य भूमिका छ ।
चलचित्र आकाश पल इन्टरटेन्मेन्टको ब्यानरमा निर्माण भएको छ । फिल्ममा दिपक वलीको निर्देशन रहने छ । रोम वली कार्यकारी निर्माता, क्षितिज बस्नेत र खड्क वुढाथोकी निर्माता हुन् ।
फिल्ममा महेश दवाडीले कथा दिएका छन् भने पटकथा तथा संवाद, हरी लामाको । छायांकन, विनोद ढकाल, गोविन्द मधुर आचार्य र जयन जेको संगीत रहेको छ । फिल्ममा सुरेन बसेलको नृत्य निर्देशन रहने छ । हेरौं फूल हंगामाका साथ आउन लागेको चलचित्रको बक्स अफीस कस्तो हुन्छ ? त्यो भने आउने दिनमा नै थाहा हुनेछ ।
