काठमाडौं, जेठ ६ । केहि समय देखि छाँया सरकार बनाउने तरखरमा जुटेको प्रमुख प्रतिपक्षी दल नेपाली कांग्रेसले अन्तत छाँया सरकार गठन गरेको छ । केपी शर्मा ओली नेतृत्वको सरकार गठन भएको १५ महिनापछि कांग्रेसले सोमबार छाँया सरकार गठन गरेको हो ।
सभापति तथा संसदीय दलका नेता शेरबहादुर देउवाले कांग्रेस संसदीय दलको विधानको धारा ९ को उपधारा (५) (क) बमोजिमको छाँया सरकारको रुपमा क्रियाशिल रही कार्य सम्पादन गर्नका लागि मन्त्रालय स्तरीय समन्वय समिति गठन गरेको बताएका छन् ।
छाँया सरकारको मन्त्रालयको जिम्मेवारी पाएका सांसदहरुलाई संयोजक भनि तोकिएको छ । सरकारका कामकारबाहीको निगरानी गर्नका लागि सरकारमा अनुभव लिइसकेका नेतालाई छाँया सरकारको मन्त्रालयको जिम्मेवारी दिइएको जनाइएको छ । सोमबार गठन भएको छाँया सरकारमा मन्त्रालयस्तरीय समन्वय समितिहरु गठन भएका छन् ।
उर्जा, जलस्रोत तथा सिंचाई मन्त्रालयमा ज्ञानेन्द्र बहादुर कार्कीलाई संयोजक र सत्यनारायण खनाल, ज्ञानकुमारी छन्त्याल सदस्य बनाइएको छ । परराष्ट्र मन्त्रालयमा डा. नारायण खड्का, संयोजक र डा. अमेरश कुमार सिंह, दिव्यमणी राजभण्डारीलाई जिम्मा लगाइएको छ ।
त्यस्तै अर्थ मन्त्रालय डा. मिनेन्द्र रिजालको संयोजकत्वमा मीना पाण्डे र विनोद कुमार चौधरीलाई जिम्मा लगाइएको छ । गृह मन्त्रालय हेर्ने जिम्मा दिलेन्द्रप्रसाद वडू , संयोजक र रमेशजंग रायमाझी, महेन्द्र कुमारी लिम्वूले पाएका छन् । शहरी विकास मन्त्रालय उमाकान्त चौधरीको संयोजकत्वमा मीनाक्षी झा, रामबहादुर विष्ट रहेका छन् ।
त्यस्तै युवा तथा खेलकूद मन्त्रालयकमा किशोर सिंह राठौर, संयोजक, रंगमति शाही र दुर्गा प्रसाद उपाध्याय उद्योग, वाणिज्य तथा आपूर्ति मन्त्रालयमा मीनबहादुर विश्वकर्मा, संयोजक, विन्दा देवी आले राना र कर्मा घलेलाई जिम्मा दिइएको छ । यसै अनुरुप शिक्षा, विज्ञान तथा प्रविधि मन्त्रालयको गतिवीधिलाई नियाल्न गगन कुमार थापालाई संयोजक, उमेश श्रेष्ठ र नमिता कुमारी चौधरी सदस्य बनाइएको छ ।
खानेपानी मन्त्रालयमा सुजाता परियार, संयोजक बनाएर मिना सुब्बा र नागेन्द्र कुमार रायलाई सदस्य बनाइएको छ । स्वास्थ्य तथा जनसंख्या अन्र्तगतका कामहरु नियाल्न पार्वता डि.सी. चौधरी, संयोजक, सीताराम महतो र मोहन आचार्यलाई खटाइएको छ । त्यस्तै संस्कृति, पर्यटन तथा नागरिक उड्डयन मन्त्रालयको जिम्मा देवेन्द्रराज कण्डेल, संयोजक, प्रकाश स्नेही रसाइली र प्रमिला राईले पाएका छन् ।
श्रम, रोजगार तथा सामाजिक सुरक्षा मन्त्रालयमा डा. डिला संग्रौला पन्त, संयोजक, प्रकाश पन्थ रहेका छन् । सञ्चार तथा सूचना प्रविधि मन्त्रालय हेर्ने जिम्मा बहादुर सिंह लामा, संयोजक रहने भएका छन् भने सूर्यबहादुर केसी र विमला नेपाली सदस्य रहने छन् । भूमि व्यवस्था, सहकारी तथा गरिबी निवारण मन्त्रालयको जिम्मा लक्ष्मी परियार , संयोजक, प्रमोद कुमार यादव र स्मृति नारायण चौधरी रहेका छन् ।
संघीय मामिला तथा सामान्य प्रशासन मन्त्रालय हेनैका लागि अतहर कमाल मुसलमान, संयोजकबनाइएको छ तेजुलाल चौधरी, धन कुमारी खतिवडा सदस्य भएका छन् । कृषि तथा पशुपंक्षी मन्त्रालय पद्म नारायण चौधरी, संयोजक, अनिता देवकोटा , सरवत आरा खानम हलुवाइनीले पाएका छन् । महिला, बालबालिका तथा ज्येष्ठ नागरिक मन्त्रालयको काम हेर्ने जिम्मा उमा रेग्मी , संयोजक, लालकाजी गुरुङ्ग, हिरा गुरुङ्गले पाए ।
रक्षा मन्त्रालय भिमसेनदास प्रधान, संयोजक, अभिषेक प्रताप शाह त्यसै गरि भौतिक पूर्वाधार तथा यातायात मन्त्रालय सञ्जय कुमार गौतम, संयोजक, जीप छिरिङ लामा, देवप्रसाद तिमिल्सिना सदस्य, वन तथा वातावरण मन्त्रालय राजेन्द्र कुमार केसी, संयोजकर मुक्ता कुमारी यादव सदस्य कानून, न्याय तथा संसदीय मामिला मन्त्रालय राधेश्याम अधिकारी, संयोजक रहेर नजिकबाट ती मन्त्रालयका हरेक गतिवीधि नियाल्ने भएका छन् ।
