काठमाडौं, जेष्ठ १६ । पहिलो र दोस्रो संविधानसभामा सरकारले निर्वा्चित सदस्यलाई ‘संविधानसभा पदक’ बाट विभूषित गरेको छ । राष्ट्रपति विद्यादेवी भण्डारीले आज आयोजित एक समारोहका बीच राष्ट्रपति कार्यालय शीतल निवासमा उनीहरुलाई राष्ट्रको तर्फबाट पदकसहित सम्मान प्रदान गरेकी छन् ।
एक हजार १०६ सभासद्लाई पहिलो र दोस्रो संविधानसभामा निर्वा्चित भई संविधान निर्माणमा महत्वपूर्ण योगदान पु¥याएको भन्दै सम्मान गरिने छ । बिहान एक चरणको पदक वितरणको कार्यक्रम सकिएको र दिउँसो दोस्रो चरणको कार्यक्रम सञ्चालन हुनेछ ।
नेपाल सरकार मन्त्रिपरिषद्को सिफारिशमा नेपालको संविधान भाग ३२ अन्तर्गत धारा २७७ को उपधारा १ बमोजिम नेपालको संविधान निर्माणमा योगदान पु¥याएबापत सभासद्लाई सम्मान गरिएको हो । पदक पाउनेको सूचीमा राष्ट्रपति विद्यादेवी भण्डारी पहिला नम्बरमा रहेकी छन् । उनले प्रधानमन्त्री केपी शर्मा ओलीलाई पदक प्रदान गरेर कार्यक्रम शुभारम्भ गरेकी हुन् ।
पदक लिन सभामुख कृष्णबहादुर महरा, पूर्वप्रधानमन्त्रीद्वय पुष्पकमल दाहाल ‘प्रचण्ड’ र झलनाथ खनालसमेत शीतल निवास पुगेका थिए । पदक लिन शीतल निवासमा संविधानसभाका सभासद्को उल्लेख्य सहभागिता रहेको थियो । नेपालको इतिहासमा पहिलोपटक विसं २०६४ चैत २८ गते र विसं २०७० मङ्सिर ४ गते दोस्रो संविधानसभाको निर्वाचन भएको थियो ।
