काठमाडौं, असार १ । पहिलो पटक नेपाली गीतमा बलिउड अभिनेत्री (आइटम गर्ल) सन्नी लियोनले कम्मर मर्काएर नाचेकी छन् । उनले ‘पासवर्ड’ नामको फिल्ममा गरेको आइटम नृत्य बिहिबार सार्वजनिक भएको हो । सन्नी दर्जनौँ कोरससहित बोल्ड अबतारमा देखिएकी छिन् ।
बलिउड कोरियोग्राफर बिष्णु देभाले ‘आजको साम’ बोलको गीतमा सन्निलाई निर्देशन गरेका छन् । विष्णुदेभा उनै कोरियोग्राफर हुन् जसले सलमान खानदेखि शाहरुख खान, अक्षयकुमार जस्ता बलिउड स्टारका फिल्महरुमा नृत्य निर्देशन गर्छन । ५ करोड बढि लगानीमा तयार भएको गीतमा सन्नीसँगै अभिनेता बिक्की जोशी पनि छन् ।
गीतमा बिक्रम जोशीको शब्द र संगीत अर्जुन पोखरेलको छ । दुर्गा खरेलले स्वर भरेको उक्त गीतको भिडियो लण्डनमा छायाँकन गरिएको हो । भाद्र २७ बाट फिल्म ‘पासवर्ड’ रिलिज हुँदैछ । सम्राट बस्नेत निर्देशक छन् ।
फिल्मलाई बिक्रम जोशी, हिरल जोशी र अमित बस्नेतले निर्माण गरेका हुन् । एक्सन थ्रिलर जनराको फिल्ममा सौरभ लामाको छायाँकन छ भने बिक्रम जोशी (विक्की), अनुपबिक्रम शाहि, बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि राना लगायत लिड अभिनयमा छन् ।
साभारः इपब्लिक न्यूज
