काठमाडौं, असार २२ । प्रमुख प्रतिपक्षी दल नेपाली कांग्रेसले भारतबाट आयात हुने फलफूल तथा तरकारीको विषादी परीक्षण नगर्ने सरकारको निर्णयप्रति आपत्ति जनाउँदै त्यसबारे संसदलाई तत्काल जानकारी गराउन माग गरेको छ ।
कांग्रेसका प्रमुख सचेतक बालकृष्ण खाँडले आजको प्रतिनिधिसभाको बैठक प्रारम्भ हुनासाथै जनताको स्वास्थ्यमाथि सरकारले गम्भिर खेलबाड हुने गरी गरेको निर्णयबारे संसदलाई तत्काल जानकारी गराउन सरकारसँग विशेष आग्रह गरेका हुन् । सरकारले राष्ट्र, राष्ट्रियतालाई आघात पुर्याएको भन्दै उाले भने, भारतसामु लम्पसारवादी नीति लिएकै कारण सो निर्णय लिएको हो ।
सरकारले जनताको स्वास्थ्यमाथि गम्भिर आघात पुग्ने गरी सो निर्णय लिएकाले त्यसप्रति आफ्नो पार्टीको आपत्ति रहेको प्रमुख सचेतक खाँडको भनाइ छ । प्रमुख सचेतक खाँडले जनताको स्वास्थ्यमाथि गम्भिर आघात पुर्याउने गरी निर्णय लिएर सरकारले शक्तिराष्ट्र भारतसामु निरिहता प्रकट गरेका जानजकारी गराएका छन् ।
प्रमुख सचेतक खाँडले नेत्रविक्रम चन्द नेतृत्वको नेकपाका सर्लाही इन्चार्ज कुमार पौडेललाई प्रहरीले गैरकानुनी ढंगले हत्या गरेको दावी गर्दै त्यसप्रति निन्दा व्यक्त गरेका छन् । उनले सरकारले पौडेललाई संविधान र कानुनको बर्खिलाप हुने गरी हत्या गरेर मानव अधिकारको समेत गम्भिर उलंघन गरेको जिकीर गरेका छन् ।
