साउन २३ मा पुरुष भलिबल प्रतियोगिता

काठमाडौं, साउन २० । ढोरपाटन क्लबको आयोजनामा ‘पाँचौँ सेब टु ए साइड पुरुष भलिबल प्रतियोगिता’ यसै साता शुरु गरिने भएको छ । सामाखुशी इङलिस बोर्डिङ स्कुल (सेब) मुख्य प्रायोजक हुने उक्त प्रतियोगिता यही साउन २३ गतेदेखि आयोजना गरिने भएको हो ।

एक सय सत्र टोली सहभागी हुने उक्त प्रतियोगितामा विजेताले रु एक लाख तथा उपविजेताले रु ५० हजार पुरस्कार पाउने भएका छन् । त्यसैगरी तेस्रो हुनेले रु २५ हजार र चौथो हुनेले रु १० हजार पुरस्कार प्राप्त गर्ने आयोजक क्लबका अध्यक्ष मनवीर छन्त्यालले जानकारी गराएका छन् ।

तीनदिने उक्त प्रतियोगिता नयाँ बसपार्कमा आयोजना हुनेछ । गत संस्करणको उपाधि आर्मीका दिल सुनार र प्रकाश थापाको जोडीले जितेको थियो ।