भारतीय स्वतन्त्रताको सात दशक र भाजपा सरकार

-राजेन्द्र प्रसाद पाठक

भारत अंग्रेजहरुको शासनबाट मुक्त भएको आज सात दशक पुरा भएको छ । सुभाष चन्द्र वोस , महात्मा गान्धी जस्ता लौह ब्यक्तित्वको अनवरत कुशल नेतृत्व र समग्र भारतिय जनताको स्वतन्त्रता प्रतिको अटल मोहका कारण आजको स्वतन्त्र भारतको परिकल्पना साकार भएको हो । सन् १५ अगष्ट १९४७ देखी हाल सम्म १९औं सम्माननिय प्रधानमन्त्री श्री नरेन्द्र दामोदर दास मोदी सम्म आई पुग्दा भारत विश्वको पाँचौ शक्तिशाली देश बन्न सफल भएको छ । विश्वको सबै भन्दा ठुलो गणतान्त्रीक लोकतन्त्र भएको देशले गरेको उन्नतीलाई अरुसँग तुलना गर्दा यो अत्यन्तै न्युन हो । भारत भन्दा धेरै पछि मात्र स्वतन्त्र भएको देशहरु अझ बढी नै उन्नतीको शिखर चढ्न सफल भएका छन् । यसको सबै भन्दा मूल जड भनेको अस्थिर र पारीवारीक राजनिती नै हो भन्दा फरक परोईन ।

जब सन् १९४७ मा भारत स्वतन्त्र भयो । त्यस बखत स्वतन्त्रताका निम्ती होमिएका प्रमुख पात्रहरु जसलाई भारतिय जनताको अविच्छीन्न जनमत र अटल विश्वास थियो जस्तो सुभाष चन्द्र वोस , महात्मा गान्धी आदी । १५ अगष्ट सन् १९४७ देखी २७ मई १९६४ सम्म नै जवाहरलाल नेहरु प्रधानमन्त्री भए भने । नेहरु पुत्री ईन्दीरा गान्धी २४ जनवरी १९६६ देखी २४ मार्च १९७७ र पुनः अर्को पटक १४ जनवरी १९८० देखी ३१ अक्टोवर १९८४ सम्म दुई दुई पटक अत्यन्तै लामो समय सम्म शासन सत्तामा रहेका छन् यती मात्र कहाँ हो र नेहरुकै नाती राजीव गान्धी ३१ अक्टोवर १९८४ देखी २ डिसेम्वर १९८९ सम्म देशको शासनको बागडोर एउटै परिवारले हत्याएको थियो । त्यत्ती मात्र नभएर नेहरुकै नातिनी बुहारी श्रीमती सोनियाँ गान्धीको प्रत्यक्ष निगरानीमा २२ मे २००४ देखी २२ मे २००९ र २२ मे २००९ देखी १७ मे २०१४ सम्म मनमोहन सिंहले लगातार दुई पटक सम्म शासनको बागडोर एउटै परिवारको मातहतमा सञ्चालन भएको थियो । यसका अलावा १६ मे १९९६ देखी १ जुन १९९६ लगायत १९ मार्च १९९८ देखी २२ मे २००४ सम्म संयूक्त सरकार भाजपा का नेता अटल विहारी वाजपेयीले सञ्चालन गरेका थिए ।

२६ मे २०१४ देखी हाल सम्म बहुमत प्राप्त सरकारका रुपमा श्री नरेन्द्र मोदी हुनु भन्दा अगाडी छिटफुट संयूक्त सरकार बाहेक सबैजसो सरकार कि त नेहरु परिवारको एकलौटी थियो । कि त भारतीय काँग्रसको चंगुलबाट नै सञ्चालन भै रहेका कारण एउटै पार्टी र अझ एउटै परिवारको मतहतमा यत्तिका लामो समय सम्म देश बन्दी भएर रहनु , गरिबी र अभावमा जनता पिल्सी रहनुले के कुराको संकेत गर्दछ भने अस्थिर राजनैतिक परिवेश र जहाँनिया शासन पद्धती जस्तो नसुहाउँदो देखिन थालेको थियो भारतीय लोकतन्त्र । यसका अलावा देशको संमृद्धी र सुशासन भैदिएको भए माथीका भनाईहरुले कुनै पनि अर्थ राख्ने थिएनन् ।

हाल आएर भारतीय जनता पार्टीको दृढ परिकल्पना , मोहन भागवत, नरेन्द्र मोदी, योगी आदित्यनाथ , अमित शाह, कैलाश विजयवर्गिय , आदी अलौकिक शक्ति भएका पारिवारीक मोह नभएका नेताहरुको उदयले पुनः भारतलाई शक्ती सञ्चार गराएको छ । सबै भन्दा प्रथम र प्रमुख बिषय भ्रष्टाचार मुक्त, सदाचारयुक्त भारत बनाउने मोदी जी को उद्घोष अत्यन्त सह्रानीय छ प्रवल ईच्छा शक्तीले भरपुर मोदी जी आफैमा एउटा अलौकिक शक्ति धारण गरेका ब्यक्ति हुन ।

यदी अत्युक्ति नलीई भन्नु पर्दा हिन्दुहरुको महान् ग्रन्थमा उल्लेखित्
यदा यदा हि धर्मस्य ग्लानिर्भवति भारत ।
अभ्युत्थानमधर्मस्य तदात्मानं सृजाम्यहम् ।।७ ।।
परित्राणाय साधूनां विनाशाय च दुष्कृताम् ।
धर्मसंस्थापनार्थाय सम्भवामि युगे युगे ।।८।।

श्रीमद्भागवत यथरुप अध्याय ४ को श्लोक ७ र ८ मा उल्लेख भए अनुसार जसरी श्री कृष्णले अर्जुनलाई ज्ञान दिंदै गर्दा हे भरत वंशी अर्जुन । जहाँ जहाँ र जहिले जहिले धर्मको पतन र अधर्मको उन्नति हुन लाग्दछ त्यस समय त्यस ठाउँमा मैले अवतार लिन्छु । भक्तहरुको उद्धारका लागी, दुष्टहरुको विनाशका लागी र धर्मको पुर्नस्थापना गर्नका लागी म हरेक युगमा प्रकट हुन्छु । भन्ने महान धर्मग्रन्थले सुझाए अनुरुप कतै युग परिवर्तनको संघारमा त आई पुगेको हाईन ? भन्ने खालको आभाष हुन थालेको छ । जसरी भारत स्वतन्त्र भयो । त्यसैको सद्भावले राणाको जहानियाँ साशन ब्यावस्थाको अन्त्य भएको थियो नेपालमा पनि । त्यसै गरी भारत पनि राजनैतिक अस्थिरता र पारीवारीक चंगुलमा परिरहँदा हाम्रो देशमा समेत राजनैतिक अस्थिरता र पारीवारीक शासन पद्धतीले जरो गाडेको थियो । त्यसैको प्रतिकात्मक रुप यद्यपी छँदैछ । जब जब भारत परिबर्तित भएको छ तब तब दक्षिण एसियाका सबै जसो देशमा परिवर्तन आएको छ । आषा गरौं मोदी जी को सद्गुण सद्भावको प्रभाव हाम्रो देशका नेतृत्वमा समेत सकारात्मक रुपमा पर्दै जाओस् । भारत लगायत संपूर्ण भारतबर्ष समृद्व र स्वधर्मी बन्न सकोस् । भारतमा महान् नेताको उदय भै सकेको छ ।

अबका केही बर्षमा नै यसको सकारात्मक परिणाम आई सक्ने छ । हाल सालै पनि परिणामहरु देखा पर्न थाली सकेको छ । अझ बृहत् परिणामको आषामा भारत बासीहरु बिश्वस्त भै सकेका छन् । सुसंङ्गीको संङ्गतले सहज परिणाम प्राप्त हुने कुरालाई निसन्देह अंङ्गीकार गर्न सकिन्छ । सम्पूर्ण भारतबर्षमा नयाँ युगको थालनी हुन सकोस् । जनता संमृद्ध र सुखी बन्न सकुन । नेतृत्व बर्गमा सद्बुद्धी आओस् । राजनिती अर्थार्जन् गर्ने दुष्कृतिबाट परिवर्तन भई विशुद्ध समाज सेवामा परिणत् होस् । विशुद्ध ब्यवसायीको हातबाट राजनितीलाई विमुख गरियोस् । हाम्रो देशले पनि महान् सादगी नेतृत्व प्राप्त गर्न सकोस् । सात दशक लामो गणतान्त्रीक , लोकतान्त्रीक इतिहाँस् बोकेको महान् अद्वितीय छिमेकी देशका सम्पूर्ण नेतृत्ववर्ग सहित , समग्र भारतबासी जनसमुदायमा स्वतन्त्रता दिवसको हार्दिक मंङ्गलमय शुभकामना । अस्तु ।

लेखक : आर्यावर्त ( भारतवर्ष ) यूवा समाजका अध्यक्ष हुन् ।

 _{इमेल :} rajendra2p@gmail.com

_{वेभसाइटः}  www.aysn.org

_{मोबाइलः}  9841294675