काठमाडौं, मंसिर २ । संघीय मामिला तथा सामान्य प्रशासन मन्त्री लालबाबु पण्डितले सातवटै प्रदेशमा स्थानीय विकास प्रशिक्षण प्रतिष्ठान खोलिने तयारी भई रहेको जानकारी गराएका छन् ।
प्रतिष्ठानले आयोजना गरेको ‘दिगो विकासका लक्ष्यहरु कार्यान्वयनका लागि स्थानीय तहको क्षमता विकाससम्बन्धी दोस्रो अन्तर्राष्ट्रिय सम्मेलन’को उद्घाटन समारोहम सहभागिता जनाउने क्रममा मन्त्री पडितले स्थानीय तहका कर्मचारी र जनप्रतिनिधिलाई सक्षम बनाउन प्रतिष्ठान खोल्न लागिएको बताएका छन् ।
मन्त्री पण्डितले स्थानीय तहमा केही समस्या रहेको कौंल्याउँदै त्यसको समाधानका लागि सरकार लागिपरेको स्पष्ट पारेका छन् । उनले भने, अहिले स्थानीय तहले सोचेजस्तो काम गर्न सकेका छैनन् । हामीले पनि कानून बनाएर दिन ढिलो ग¥यौँ । अब भने स्थानीय तहलाई संविधानले दिएको अधिकार प्रयोग गर्न दिएर बढी जिम्मेवार बनाउने छाँै ।
मन्त्री पडितले संविधानमा भएको स्थानीय तहको एकल र साझा अधिकारको सूचीलाई बाँडफाँट गरी दिइने तयारीसमेत भइरहेको जानकारी गराएका छन् । प्रतिष्ठानका कार्यकारी निर्देशक पीतकुमार श्रेष्ठले संघ, प्रदेश र स्थानीय तहको अन्तर सम्बन्ध भएमात्र संघीयता कार्यान्वयनमा सहज हुने भन्दै प्रतिष्ठानले अहिलेसम्म प्रदेश नं १, प्रदेश नं २, गण्डकी, प्रदेश नं ५ र सुदूरपश्चिम प्रदेशमा तीन तहको अन्तर तह सम्बन्ध कार्यक्रम सञ्चालन गरेको जनाएका छन् । उक्त सम्मेलनमा जापान, भारतलगायत देश र काठमाडौँ उपत्यकाका जनप्रतिनिधिको सहभागिता रहेको छ ।
