काठमाडौं, मंसिर १० । प्रधानमन्त्री केपी शर्मा ओली नियमित स्वास्थ्य परीक्षणका लागि आज विहान त्रिभुवन विश्वविद्यालय, शिक्षण अस्पतालको मनमोहन अस्पताल ‘कार्डियोथोरासिक भास्कुलर एण्ड ट्रान्सप्लान्ट सेन्टर’मा पुगेका थिए ।
प्रधानमन्त्री ओलीको एपेन्डिसाइटिसको शल्यक्रिया सफल भएको जनाइएको छ । प्रधानमन्त्रीका प्रेस सल्लाहकार सूर्य थापाका अनुसार प्रम ओलीलाई एपेन्डिसाइटिस भएको पत्ता लागेपछि चिकित्सकले शल्यक्रिया गरिएको हो । उपचारमा प्रा डा अरुण सायमी, प्रा डा रमेशसिंह भण्डारीलगायतको टोली संलग्न रहेको जानकारी गराइएको छ ।
उपचारमा संलग्न चिकित्सकका अनुसार एपेन्डिसाइटिस भएमा जति सक्यो चाँडो यसको शल्यक्रिया गर्नुपर्ने हुन्छ । यसअघि प्रधानमन्त्री ओलीको मिर्गाैलामा समस्या आएपछि डायलासिस गरिएको थियो ।
0
Shares
