ललितपुर, मङ्सिर ३० । “जहाँ महिला,त्यहाँ विकासको पाइला” भन्ने नाराका साथ ललितपुर महानगरपालिकाद्वारा स्पेशल मेकअप आर्टिस तालिम र व्युटिशियन तालिम सुभारम्भ भएको छ । महानगरले सञ्चालन गरेको यी दुई तालिममा ५० जना महिलाहरु सहभागी हुनेछन् ।
सामाजिक विकास समितिका संयाेजक एवं वडा नं. २४ का अध्यक्ष दिनेश कार्कीले तालिम हासिल गरेपश्चात महिलाहरुले सफलता हासिल गर्नका लागि अावश्यकता र वजारकाे आवश्यकता अनुसार व्यवसायिक याेजना वनाएर काम गर्न सक्ने वताए । संयाेजक कार्कीले भने, “तालिम मात्रै लिएर हुँदैन, व्यवसायिक याेजना, बजारकाे आवस्यकताकाे विश्लेषण सहित फरक तरिकाले काम गर्न पनि सक्नुपर्छ ।” महानगरले उपलब्ध गराएकाे तालिमबाट सीप हासिल गरेर महिलाहरुले राेजगारी र अार्थिक समृद्धि हासिल गर्न सक्ने वताए ।
प्रशिक्षक गुणकेशरी ताम्राकारले महिलाहरुकाे आर्थिकस्तर उकास्नका लागि व्युटिशियन तालिम पनि महत्त्वपूर्ण रहेकाे वताइन् ।
सामाजिक विकास समितिका सदस्य तथा वडा नं. ५ का अध्यक्ष विकासमान श्रेष्ठले महिला उद्यमीहरूलाई प्राेत्साहन गर्नका लागि महानगरले सहुलियत कर्जा रुपमा केही रकम उपलब्ध गराउने व्यवस्था समेत गर्न लागेकाे वताए ।
महिलाहरूलाई आत्मनिर्भर र उद्यमी बनाउँदै जीवनस्तर उकास्नका लागि याे तालिम आयाेजना गरिएको कार्यपालिका सदस्य सुप्रभा शाक्यले वतनइन् ।
ललितपुर महानगरका समाजकल्याण महाशाखाका प्रमुख बावुराजा महर्जनले महिलाहरुकाे सीप विकासका लागि बर्सेनि यस्ता कार्यक्रमहरु आयाेजना गरिएको वताए । तालिम हासिल गरेका महिलाहरुलाई अभावमुक्त भएर व्यवसाय सञ्चालन गर्नका लागि महानगर सहयाेग गर्ने पनि महाशाखा प्रमुख महर्जनले वताए ।
ललितपुर महानगरपलिका समाजकल्याण महाशाखाकी अधिकृत ज्ञानीशाेभा महर्जनले दिएको जानकारी अनुसार ३ महिनासम्म सञ्चालन हुने व्युटिशियन तालिममा २५ जना महिलाहरुले सहभागिता जनाउने छन् यसका साथै १ महिनासम्म सञ्चालन हुने स्पेशल मेकअप आर्टिस तालिममा २५ जना महिलाहरु सहभागी हुनेछन् ।
