भारी वर्षाका कारण ईटा उद्योगमा दश करोडको क्षति

काठमाडौं, पुष १ । जिल्लाका इँटा उद्योगमा दुई दिनको वर्षाका कारण व्यापक क्षति पुगेको छ । सुकाउनका लागि राखिएका कच्चा ईटा गत शुक्रबार र शनिबारको वर्षाका कारण बिगे्रको हो ।

सुकाउनका लागि राखिएका करीब रु १० करोड बढीका कच्ची इँटामा क्षति पुगेको महाकाली इँटा व्यवसायी सङ्घका अध्यक्ष बलदेव बुडालले जानकारी गराएका छन् । व्यवसायीले मौसममा आएको एकाएक परिवर्तनले गर्दा इँटा जोगाउन नसक्दा क्षति पुगेको बताए ।

७० बढी इँटा उद्योग कैलाली र कञ्चनपुरमा सञ्चालनमा छन् । दुवै जिल्लामा गरी वर्षाले करीब रु १५ करोड बढीका इँटामा क्षति पुर्याएको छ ।

व्यवसायीले प्रत्येक इँटा उद्योगमा रु १० लाखदेखि रु २० लाखसम्मको क्षति पुगेको इँटा बताए । काँचो इँटाको बिमा गर्ने व्यवस्था मिलाइदिनसमेत व्यवसायीले सरकारसँग माग राखेका छन् ।