राहुल गुप्ता,
वीरगंज, फागुन ४ । बिरगंज सामुदायिक सेवा केन्द्र तथा सामुदायिक प्रहरी सेवा कुम्हालटोलको आयोजनामा शनिबार स्वागत तथा परिचयात्मक कार्यक्रम सम्पन्न भएको छ ।
सामुदायिक सेवा केन्द्र कुम्हालटोलका अध्यक्ष रमेश कुमार चौधरीको अध्यक्षतामा सम्पन्न उक्त कार्यक्रममा प्रमुख आतिथ्यता पर्साका प्रहरी उपरीक्षक गङ्गा पन्तले गरेकी थिइन् ।
चितवनका प्रहरी प्रमुख एसपी दानबहादुर मल्लको ठाउँ पन्त चितवन जानु पर्ने भएता पनि केही विवादका कारण पन्तले चितवन जान अस्वीकार र उनलाई केही दिन अघि मात्र पर्सा पठाइएको हो । उनी पर्सामा हाजिर भए पश्चात उनको कामबाट जनताहरु प्रभावित भएका छन् ।
शनिबार सम्पन्न स्वागत कार्यक्रममा वडा न.५ का वडा अध्यक्ष प्रदिप चौरसिया , वडा न.१६ का वडा अध्यक्ष श्यामबाबु चौरसिया , वडा प्रहरी कार्यालय बिर्ताका प्रहरी निरीक्षक निर्मल पनेरु , बिरगंज युवा समाजका अध्यक्ष कमल चौगाई , सन्चारकर्मी अजित भुजेल संतोष, रन्जितकार मन्सुर खान लगायत सामुदायिक सेवा केन्द्रका पदाधिकारीहरुको उपस्थिति रहेको थियो ।
