चितवनमा लामो समय समाजिक सेवामा समर्पीत कृष्णदत्त सडौलाको सीड्नीमा निधन भएको आज १३ औ दिनको पुन्यतीथीमा विविध समाजिक संघ संस्था तथा ब्यक्तीत्वहरुले श्रद्धान्जली ब्यक्त गरेका छन । सीडनीको हर्षभिल क्षेत्रमा बसोबास गर्दै आएका पुत्र प्रकाश कुमार सडौलासँंग बस्दै आउनुभएका सामाजिक ब्यक्तीत्व कृष्णदत्तको ब्रेनस्ट्रोकका कारण निधन भएको थियो ।
उहाँंको निधन भएको १३ दिनको पुन्यतीथीमा स्थानिय रकडेल युथ लगायतका संघ संस्थाले श्रद्धान्जली ब्यक्त गरेका छन । रकडेल युथका समुहका शितल खाँड गिरीले यस दुखद घडीमा दिवंगत आत्माको चिर शान्तिको कामना गदैॅ शोकाकुल परिवारजन प्रति हार्दिक समवेदना प्रकट गरेका छन ।
यस्तै नेपाली कांग्रेश चितवनका युवा नेता इन्द्र कमल बुढाथोकीले सुडौलाको निधनप्रती शोक ब्यक्तगर्दै चितवनबासीले एक कुशल सामाजिक ब्यक्तीत्व गुमाएको बताएका छन । ९७ बर्षीय सडौला सह्दयी ब्यक्तीत्व रहेको बताउदै बुढाथोकीले शोक सन्तप्त परिवारप्रती गहिरो समबेदना प्रकट गरेका छन ।
