प्रधानमन्त्री ओलीलाई कालो झण्डा देखाउने ६ जना पक्राउ ।

काठमाण्डौ,फागुन ९ गते दहचोकमा आयोजित एउटा कार्यक्रममा सहभागी हुन गएका प्रधानमन्त्री केपी शर्मा ओलीलाई कालो झण्डा देखाउन खोज्ने प्रचण्ड(नेपाल समूहका ६ जनालाई प्रहरीले नियन्त्रणमा लिएको छ।

दिउँसो १ बजे चन्द्रागिरि नगरपालिका १३ बाट ६ जना कालो झण्डा देखाउने तयारी गरिरहेका एक महिला र पाँच पुरूषलाई प्रहरीले नियन्त्रणमा लिएको महानगरीय प्रहरी परिसर, काठमाडौंले जानकारी दिएको छ ।

पक्राउ पर्नेमा प्रचण्ड(नेपाल समूहका जिल्ला सदस्य चन्द्रागिरि(१३ का ३३ वर्षीय विमल लम्साल, काठमाडौं जिल्ला सचिवालय सदस्य ३४ वर्षीय दाताराम पनिर र ३४ वर्षीय विनोद भट्ट सहित रहेका छन्।

त्यस्तै २३ वर्षीय प्रितम भट्ट, २५ वर्षीया सन्ध्या भट्ट र २८ वर्षीय उत्सव भट्टलाई प्रहरीले नियन्त्रणमा लिएको छ। उनीहरूलाई महानगरीय प्रहरी वृत्त, कालिमाटीमा राखिएको छ।