भिनिसियल जुनियरले रियल मड्रिडका लागि १००औं खेल खेल्दै गोल गर्दा रियल भने स्पानिस ला लिगामा रियल सोसिडाडसँग बराबरीमा रोकिएको छ ।
गए रात्रि भएको खेलमा रियलको घरेलु मैदानमै सोसिडाडसँग १(१ को बराबरीमा चित बुझाउन बाध्य भयो । खेलको अन्त्यतिर भिनसियसले गोल गर्दा रियल हारबाट जोगिएको हो ।उनले लुकास भजक्वेजको पासमा ८९औं मिनेटमा गोल गर्दै खेल बराबरी गरेका थिए ।
सोसिडाका लागि ५५औं मिनेटमा क्रिस्टियन पोर्टुले गोल गर्दै अग्रता दिलाएका थिए । तर अन्तिम समयमा समालिन नस्कदा सोसिडाडले ३ अंक जोड्न सकेन ।
रियलका लागि एक सयौँ खेल खेलेका भिनसियसले १२औं गोल गरेका छन। यो बराबरीसँगै रियलले २५ खेलमा ५३ अंक जोडेको छ ।
बार्सिलोना समान ५३ अंक जोडे पनि दोस्रो स्थानमा कायमै छ रियल गोलअन्तरका आधारमा तेस्रो स्थानमा यथावत छ । एक खेल कम खेलेको एट्लेटिको ५८ अंकसहित शीर्ष स्थानमा छ ।
