काठमाण्डौ,चैत्र ४ गते राजधानीमा शुरु भएको राष्ट्रिय कार्यकर्ता भेलालाई सम्बोधन गर्दै नेपाल कम्युनिष्ट पार्टी एमालेका वरिष्ठ नेता झलनाथ खनालले एमालेमा गुट सुरू गर्ने काम केपी ओलीले भन्दै मदन भण्डारी फाउन्डेसनमार्फत उनले नै गुटको सुरूवात गरेको आरोप लगाएका छन्।
पूर्व प्रधानमन्त्रीसमेत रहेका खनालले केपी शर्मा ओलीले यो तीन वर्षमा स्वयं भ्रष्टाचारीलाई संरक्षण गरेको र महत्वपूर्ण नियुक्तिमा पनि प्रधानमन्त्री ओलीले आफ्ना धुपौरेहरुलाई मात्रै गरेको खनालको आरोप छ थियो ।
प्रधानमन्त्री ओलीले विवादस्पद विधेयक ल्याएको र ती विधेयक ल्याउँदा पार्टीसँग कुनै सल्लाह नगरेको पछिल्लो समयमा प्रधानमन्त्री ओलीले बैठकहरुसमेत नराखेको खनालले गुनासो गरे ।
उनले पार्टीको संगठनात्मक अवस्थामा अराजकता नै अराजकता भएको आफूहरू पार्टी एकता जोगाउने काममा लागिपरेको केपी ओलीको सरकारले पार्टी नीति, सिद्धान्तको पालना नगरेको ओली सरकारले ल्याएको तीन आर्थिक वर्षको बजेटका नीति तथा कार्यक्रमले पार्टीका नीति, कार्यक्रम प्रतिबिम्बित हुन नसकेको समेत बताएका छन् ।
ओली स्वेछाचारी ढङ्गले अगाडि बढेको धारणा राखे। ओलीले पार्टीको घोषणा पत्रअनुसार काम अगाडि बढाउन नसकेको २० को दशकबाट देशमा नेपाल कम्युनिष्ट पार्टीलाई पुनःगठन र एकीकरणको थालनी एमाले र माओवादी केन्द्रको एकीकरणले ठूलो सफलता हासिल गरे पनि सोचेजस्तो परिणाम दिन नसकेको खनालले स्पष्ट पारे ।
उनले भने, सर्वोच्च अदालतको रहस्यमय फैसलाले तीन वर्ष पछाडि पुगेर काम सम्पन्न गर्नुपर्ने अवस्था भएको तर ओलीले केन्द्रीय कमिटीको बैठक राखेर पार्टीलाई अगाडि बढाउनुपर्नेमा बालुवाटारमा फाल्गुन २८ गते गुट बैठक गरेर एकलौटी निर्णय गरेको बताए ।
