रामेछाप । रामेछाप मन्थलीबाट असार ११ गते जुवा खेलिरहेको अवस्थामा कौडासहित ५ जुवाडे पक्राउ परेका छन् । उनीहरुलाई प्रहरीले जुवा खेलिरहेको अवस्थामा रंगेहात पक्राउ गरेको हो । जुवाडेलाई मन्थली नगरपालिका वडा नं। १, घारी खहरे बस्ने चन्द्रबहादुर माझीको घरबाट पक्राउ गरिएको थियो ।
चन्द्रबहादुरको घरमा लुकिछिपी जुवा खेलिरहेकोे सूचना पाएपछि प्रहरी अधिकृत श्रीशंकर श्रेष्ठको कमाण्डमा खटिएको टोली घटनास्थल गएको थियो । प्रहरीले घटनास्थलबाट घरधनी चन्द्रबहादुरसहित ५ जनालाई जुवा खेलिएको अस्थामा रंगेहात पक्राउ गरेको हो ।
प्रहरीले घटनास्थलबाट कौडासहित नगद रु। १ लाख ९२ हजार ९ सय ५० रुपैयाँ बरामद गरेको छ । पक्राउ पर्नेमा रामेछाप, मन्थली नगारपालिका १, बस्ने घरधनी ३२ वर्षाीय चन्द्रबहादुर माझी, सोही नगरपालिकाका वडा नं। ६, हात्तिटार बस्ने ४० वर्षीय तेजबहादुर माझी, वडा नं। ८, गाईंखुरा बस्ने ४५ वर्षीय आइते माझी, वडा नं।
९, पुरानोगाउँ बस्ने ३२ वर्षी टिकाराम आरण, रामेछाप खाँडादेवी घरभई सुनकोसी गाउँपालिका वडा नं। १, सिन्धुली बस्ने ३८ वर्षीय नरेन्द्र माझी रहेका छन् । उनीहरुलाई नियन्त्रणमा लिई अनुसन्धान भइरहेको डीएसपी नवराज ढुंगानाले बताए ।
