काठमाडौं । नेपाल पत्रकार मञ्चले पत्रकारका विभिन्न संघसंस्थालाई स्वास्थ्य सामाग्री उपलब्ध गराउँदै आएको छ । मञ्चले कोरोना भाइरस संक्रमणका बेला फ्रन्टलाइनमा खट्ने पत्रकारलाई लक्षित गरी जोखिमबाट बँचाउन स्वास्थ्य सामाग्री सहयोग गरेको हो । यसै मेसोमा नेपाल पत्रकार मञ्चले नेपाल पत्रकार महासंघ काठमाडौं शाखालाई ५० थान पीपीई उपलब्ध गराएको अध्यक्ष सूर्य सुवेदीले बताए ।
मञ्चले गरेको यो सहयोगबाट पत्रकारहरु लाभान्वित हुनेमा अध्यक्ष सुवेदीले खुसी व्यक्त गरे । कोरोना कहरको मारमा परेका पत्रकारहरुमा पर्ने आर्थिक, सामाजिक तथा भौतिक समस्या समाधानमा साथ दिन प्रयास गरिएको मञ्चका अध्यक्ष युवराज विद्रोहीले जनाए । उनले थपे ‘पत्रकारहरुको भौतिक रक्षाका लागि केही न केही काम हुन थालेका छन्’ उनको ठम्याइ छ ।
तर, उनीहरुका लागि पेशागत र सामाजिक सुरक्षाका विषयमा धेरै गर्न बाँकी नै छन्,’ मञ्चका उपाध्यक्ष एवं कोभिड समन्वय समितिका संयोजक चन्द्रमणि भट्टराई बताउँछन् । मञ्चले काठमाडौं शाखालाई स्वास्थ्य सामग्री उपलब्ध गराउने क्रममा अध्यक्ष सूर्य सुवेदी, सचिव महेश गौतम र सदस्य रमेशकुमार बोहोराको उपस्थिति रहेको थियो ।
