काठमाडौं । कोरोना महामारीका कारण ब्लड बैंकमा रगतको अभाव भइरहेको छ । त्यो अभावलाई टेवा पु-याउनको लागि काठमाडौं महानगरपालिका वडा नं. २९ अनामनगरमा रक्त दान कार्यक्रमको आयोजना गरियो । कार्यक्रम काठमाडौं महानगरपालिका वडा नं. २९ का अध्यक्ष र सदस्यहरुको सक्रियतामा त्रिवेणी युवा क्लब, शिखर युवा क्लब, कालिकामहावीर स्पोस्र्टस क्लब र हाम्रो टिम नेपालको संयुक्त आयोजना सम्पन्न भएको हो ।
कार्यक्रममा उत्साहजनक रुपमा रक्तदान गर्ने दाताहरुको उपस्थिति रहेको थियो । उक्त कार्यक्रममा १ सय १२ जनाले रक्तदान गरेका छन् । रक्तदान कार्यक्रम असार २६ शनिबार सम्पन्न भएको त्रिवेणी युवा क्लबका अध्यक्ष विन्देश्वर खनालले बताए । कार्यक्रममा कामनपा २९ का वडा अध्यक्ष कुशकुमार ढकाल, वडा सदस्य अर्जुबहादुर श्रेष्ठ, हाम्रो टिम नेपालका अध्यक्ष विमल पन्त, आयोजक विभिन्न युवा क्लबका प्रतिनिधिहरु, समाज सेवी, बुद्धिजिवी, व्यवसायी र सञ्चारकर्मी लगायतको उपस्थिति रहेको थियो ।
