देशको विकासका लागि काँग्रेसलाई जिताउन सिटौलाद्वारा कार्यकर्तालाई आग्रह

भदौ २९ । देशको विकास हुनका लागि स्थानिय तहमा काँग्रेसले नै जित्नु पर्ने भएकोले पार्टीलाई जिताउन सक्रियतापूर्वक लाग्न कार्यकर्ताहरुलाई नेपाली काँग्रेसका नेता कृष्ण प्रसाद सिटौलाले आग्रह गरेका छन् ।

रौतहटको चन्द्रपुरमा काँग्रेसका कार्यकर्ताहरुसँगको भेटमा नेता सिटौलाले कम्युनिष्ट नेतृत्वले देश चलाउँदा देशको विकास राष्ट्रले निकास नपाएको स्मरण गराउँदै हर परिवर्तनको र विकासको नेतृत्व काँग्रेसले नै गर्दै आएको उल्लेख गरे । सिटौलाले स्थानिय तहमा पनि काँग्रेसले जीत हासिल गरि नेतृत्व कायम राख्न कार्यकर्ताहरुलाई आग्रह गरे ।

हर परिवर्तनको नेतृत्व गरेको काँग्रेसले किन जित्नुपर्छ भन्ने कुरा मतदातालाई अझै बुझाउने समय भएकोले कार्यकर्ताहरुले विश्राम नलिइ आफ्नो स्थानिय नेतृत्वलाई जिताउनका लागि लाग्न सिटौलाले अनुरोध गरे ।