काठमाडौं । कोरोना महामारीविरुद्ध लड्न आइसीयू बेड कम भइरहेको बेलामा भारतले नेपाललाई १५० बेड हस्तान्तरण गरेको छ । नेपालका लागि भारतीय राजदूत विनयमोहन क्वात्राले आइतबार स्वास्थ्य मन्त्रालयमा आयोजित एक कार्यक्रममा १५० बेड आईसीयू कानुनमन्त्री ज्ञानेन्द्रबहादुर कार्कीलाई हस्तान्तरण गरेका हुन् । उ
क्त आईसीयु बेड हस्तान्तरण गर्दै राजदूत क्वात्राले नेपालमा कोभिड–१९ विरुद्ध लड्न स्वास्थ्य पूर्वाधार विकासका लागि भइरहेको सहयोगलाई सुदृढ पार्दै जानेसमेत बताएका छन् । यसअघि पनि भारतले नेपाललाई लगातार कोरोना महामारीविरुद्धको लडाईंमा सहयोग गर्दै आएको छ ।
उसो त यसअघि कोरोनाविरुद्धको खोप पनि सहयोग गरेको हो । नेपाली कांग्रेसका सभापति शेरबहादुर देउवा प्रधानमन्त्री भएपछि विभिन्न मुलुकहरुले बधाईसँगै सहयोग पनि गर्दै आएका छन् । यसअघि चीनले पनि नेपाललाई थप १६ लाख डोज खोप सहयोग गर्ने घोषणा गरेको थियो ।
