प्रभु इन्स्योरेन्सको बोनस शेयर हितग्राही खातामा

काठमाडौं । प्रभु इन्स्योरेन्स लिमिटेडले १० प्रतिशत बोनस शेयर शेयरधनीहरुको हितग्राही (डिम्याट) खातामा जम्मा गरिदिएको छ । इन्स्योरेन्सले गत जेठ ६ गते सम्पन्न भएको २५ औँ वार्षिक साधारण सभाले पारित गरेको बोनस शेयर खातामा जम्मा गरेको हो ।

सो शेयर नेप्से र सिडिएससीमा सूचीकृत तथा दर्ता भइ अभौतिक रुपमा कारोबार हुने व्यवस्था भइसकेको इन्स्योरेन्सले जनाएको छ । इन्स्योरेन्सले बैशाख २५ गतेसम्म अभौतिक शेयर धारण गरेक शेयरधनीहरुको खातामा सो शेयर जम्मा गरेको हो ।

हालसम्म भौतिक शेयर धारण गरेका शेयरधनीहरुलाई शिघ्र शेयर अभौतिकीकरण गराई खाताको विवरण उपलब्ध गराउन इन्स्योरेन्सले अनुरोध गरेको छ । इन्स्योरेन्सको शेयर रजिष्ट्रार प्रभु क्यापिटल लिमिटेड रहेको छ ।