काठमाडौं । एक ब्रिटिश नागरिक १० महिनासम्म कोरोनाभाइरसको संक्रमणबाट पीडित भएर पनि निको भएका छन् । ७२ वर्षीय उनले कोरोना संक्रमणलाई पराजित गरेकोमा आश्चर्य प्रकट गरिएको छ । ब्रिटेनको बिष्टल निबासी उनको नाम डेव स्मिथ हो ।
बेलायतको जनसंख्या ६ करोड ८२ लाख ५७ हजार ४८९ जनामध्ये उनी एक हन्, जसमध्ये २३ करोड ४ लाख ४६ हजार ६६१ जनाको नमुना परीक्षण गर्दा ५४ लाख ३३ हजार ९३९ जना कोरोनाभाइरसका कुल संक्रमित छन् । कुल संक्रमितमध्ये १ लाख २८ हजार ७०८ जनाको मृत्युु भैसकेको छ । यो तथ्यांक २०७८ साउन ४ गते सोमबार बिहान ७ बजेसम्मको हो ।
बेलायतमा पछिल्लो २४ घण्टा (१८, जुलाई) मा ४८ हजार १६१ जना कोरोना संक्रमित पुष्टि भएको छ भने २५ जनाको मृत्यु भएको छ । आफ्नो संघर्ष गाथा सुनाउँदै स्मिथले भनेका थिए– यति लामो संक्रमणबाट जीवित भएको इतिहास नै छैन कि ? पाँच घण्टासम्म लगातार खोकी लागिरहेको थियो, उनले भनेका छन्– उनको शरीर कति थकित थियो होला अनुमान गर्न सकिन्छ ।
ब्रिटिस नागरिक स्मिथको तौल ६० किलो घटेको थियो, कम्बर ४४ इञ्च भएकोमा २८ इञ्च मात्र अहिले बाँकी छ । तै पनि उनले हिम्मत हारेनन् । उनकी पत्नीले भने हार खाइसकेकी थिइन् । डेव स्मिथको कोरोनाभाइरसको परीक्षण गर्दा ४३ पटक पोजेटिभ रीपोर्ट आएको थियो । उनको १० महिना लामो उपचार भएको थियो । (विदेशी सञ्चार माध्यमको सहयोगमा)
