काठमाडौं । प्रधानमन्त्री शेरबहादुर देउवाले उपत्यकाका विभिन्न अस्पताल सञ्चालित कोरोनाविरुद्धको खोप केन्द्रहरुको अनुगमन गरेका छन् ।
देउवाले उपत्यकाका अर्थोपेडिक अस्पताल जोरपाटी, शिक्षण अस्पताल महाराजगंज, वीर अस्पताल, नेपाली सेना, स्थानीय निकायद्वारा सामाखुशीमा सञ्चालन गरेको खोप केन्द्र र ललितपुर महानगरपालिकाले सञ्चालन गरेको कुपण्डोल खोप केन्द्रको अनुगमन गरेका हुन् ।
अमेरिकी सरकाले दिएको १६ लाख डोज ‘जोन्सन एण्ड जोन्सन’ खोप आजदेखि सर्वसाधारणलाई समेत लगाउन थालिएको छ । प्रधानमन्त्री देउवाले गरेको निरीक्षणमा नेपालका लागि अमेरिकी राजदूतसमेत सामेल थिए ।
प्रधानमन्त्री देउवाले खोप सञ्चालन केन्द्र अनुगमनमा क्रममा व्यवस्थित बनाउन सम्बन्धित पक्षलाई सुझाव दिएका थिए । प्रधानमन्त्री देउवाले सरकारको पहिलो प्राथमिकता सबै नागरिकलाई खोप लगाउने रहेकोप्रति जोड दिएका छन् ।
