काठमाडौं । छिल्लो २४ घण्टामा थप ३,१०८ जनामा कोरोनाभाइस संक्रमण पुष्टि भएको छ । देशभरमा १३ हजार १३५ जनामा नमुना परीक्षण गर्दा ३ हजार एक सय ८ जनामा संक्रमण पुष्टि भएको हो ।
त्यसैगरी कोरोनाका संक्रमणकाबाट पछिल्लो २४ घण्टामा १ हजार ५ सय ९५ जना निको भएका छन् । त्यस्तै कोरोना संक्रमणबाट २५ जनाको मृत्यु भएको स्वास्थ्य तथा जनासंख्या मन्त्रालयले जनाएको छ । मंगलबार थपिएकासँगै नेपालमा कोरोना संक्रमितको कूल संख्या ६ लाख ७० हजार ९ सय ९३ पुगेको छ।
तीमध्ये ९ हजार ६ सय ७ जनाको मृत्यु भएको छ भने ६ लाख ३४ हजार ९ सय २७ जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या २६ हजार ४ सय १९ जना रहेका छन् ।
तीमध्ये २३ हजार ८ सय ३४ जना होम आइसोलेसनमा रहेका छन् भने २ हजार ५ सय ८५ जना संस्थागत आइसोलेसनमा रहेका छन् । कोरोनाका बिरामीमध्ये ५९२ जना आईसीयू र १७२ जना भेन्टिलेटरमा उपचाररत रहेको जनाइएको छ ।
