नेपाल आइडल फेरि सुरु हुने : जज परिवर्तन

काठमाडौं । गायन रियालिटी शो ‘नेपाल आइडल’को नयाँ सिजन सुरु हुने भएको छ । शो’का निर्देशक सुरेश पौडेलले शोको नयाँ सिजन छिट्टै सुरु हुने बताएका हुन् । फ्रेन्चाइजका लागि ३ वर्षको अनुमति सकिएपछि शोको विषयमा अन्यौलता छाएको थियो । अहिले मौखिक सहमति भएको र लिखित सम्झौता पश्चात् शो सुरु गर्ने टिमको तयारी छ ।

यसको लागि निर्देशक पौडेल आशावादी रहेका छन् । अबको सिजनमा जज भने परिवर्तन हुने छन् । पहिलेका जजहरू अन्य काममा व्यस्त रहेको कारण जज परिवर्तन गर्न लागिएको हो । ख्यातिप्राप्त साङ्गीतिकर्मीहरुलाई जज बनाइने तयारी टिमको रहेको छ । अगाडिका सिजनमा न्ह्यु बज्राचार्य, काली प्रसाद बाँस्कोटा र इन्दिरा जोशी जजको रूपमा रहेका थिए ।