पछिल्लो २४ घण्टामा २ हजार ९७७ कोरोना संक्रमित थपिए

काठमाडौं । पछिल्लो २४ घण्टामा देशभर गरी दुई हजार ९ सय ७७ जनामा कोरोना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ । मन्त्राकालयका अनुसार आज १७ हजार ३ सय ८ जनाको स्वाब परीक्षण गरिएको थियो ।

बिहीबार दुई हजार ७१४ जनामा कोरोना संक्रमण देखिएको हो । आज थपिएकामध्ये १३ हजार ६ सय ९८ जनाको पीसीआर परीक्षण गर्दा एक हजार ९८२ जनामा र तीन हजार ६१० जनाको एन्टिजेन परीक्षण गर्दा ९९५ जनामा कोरोना संक्रमण पाइएको हो ।

त्यसैगरी आज कोरोना संक्रमणबाट १८ जनाको मृत्यु भएको छ । बिहीबार २४ जनाको मृत्यु भएको थियो । योसँगै कोरोनाबाट मृत्यु हुनेको संख्या नौ हजार ६ सय ७९ पुगेको छ ।  पछिल्लो २४ घण्टामा एक हजार ६ सय ७८ जना निको भएका छन् । बिहीबार एक हजार २८८ जना संक्रमितहरु निको भएका हुन् । अहिले देशभर २७ हजार ६ सय ६१ जना सक्रीय संक्रमित रहेका छन् ।