काठमाडौं । गायक पुष्पन प्रधान र गायिका एलिना चौहानको स्वर सजिएको ‘ऐना हेरी हेरी’ बोलको म्युजिक भिडियो सार्वजनिक भएको छ । भिडियोमा आकाश कार्की र अनु काफ्लेको अभिनय रहेको छ ।
‘ऐना हेरी हेरी’ गीत पत्रकार शिवराज योगीले लेखेका हुन् । यस गीतमा भिम बिसीले संगीत भरेका हुन् । गीतमा विश्व अधिकारीको संगीत संयोजन रहेको छ । कोरानाले आफ्नो प्रिय मान्छेलाई संक्रमित बनाएपछि श्रीमतीले श्रीमानको सुवास्थ्यको र दीर्घायुको कामना गर्दै तिजमा ब्रत बसेको कारुणिक कथा भिडियोमा टिपिकल ढंगले प्रस्तुत गर्न खोजिएको छ ।
नवराज उप्रेतीको छायाँकन रहेको यस भिडियोमा सुवोल थापाको कोरियोग्राफी रहेको छ । भिडियोलाई प्रविण भट्टले सम्पादन गरेका हुन् । सविता अधिकारी निर्मात्री रहेको यस भिडियोमा गम्भिर विष्टको निर्देशन रहेको छ ।
भिडियो अहिलेसम्म ३ लाख बढी दर्शकले हेरेका छन् । भिडियोमा ४ सयभन्दा बढी सकारात्मक प्रतिक्रियाहरु आएका छन् ।
