नरेन र कुसुमको ‘मेरी मायालु’ म्युजिक भिडियो सार्वजनिक

काठमाडौं । पप गायक तथा म्युजिक भिडियो निर्देशक नरेन लिम्बु र कुसुम गुरुङको अभिनयमा रहेको म्युजिक भिडियो ‘मेरी मायालु’ नेपाली सांगीतिक बजारमा चर्चामा रहेको छ । शिवराज गुरुङ र मेलिना राइको स्वरमा रहेको गीतमा निर्देशक लिम्बुले मिठो प्रेमकथा बुनेका छन् ।

अभिनेत्री कुसुम गुरुङ र निर्देशक लिम्बुको अभिनय रहेको म्युजिक भिडियो सार्वजनिक भएको छोटो समयमै लोकप्रिय बनेको छ । गायिका मेलिना राईको अफिसियल युट्युव च्यानलबाट सार्वजानिक म्युजिक भिडियोलाई विश्वास राईले खिचेका हुन् भने प्रविन श्रेष्ठले सम्पादन गरेका हुन् ।