एमाले स्थायी कमिटी बैठक आज बस्दै

–कृष्ण बहादुर थापा

काठमाडौं । एमालेको स्थायी कमिटी बैठक आज पनि बस्ने भएको छ । तुल्सीलाल स्मृति प्रतिष्ठान भवन च्यासलमा आज दिउँसो ३ बजे बैठक बस्न लागेको एमाले हो । शनिबार बोलाइएको बैठक कुनै पनि विषयमा प्रवेश नगरी पार्टी एकताका लागि थप पहल गर्ने भन्दै स्थगित गरिएको थियो ।

बैठकमा अध्यक्ष केपी ओलीले वरिष्ठ नेता माधवकुमार नेपाललाई देशद्रोही र आन्दोलनविरोधी भन्दै गालीगलौज गरेका थिए । आजको बैठकमा केन्द्रीय विभाग पूर्णता, विधान महाविधेशनको तयारी र पार्टी सदस्यता नवीकरण र वितरणका विषयमाथि छलफल हुने बताइएको छ ।

पार्टी एकताका लागि थप गरिएको समयसम्म कुनै प्रगति नभएकाले आज एमाले ओली पक्षले एकलौटी ढंगले केन्द्रीय कमिटीलाई पूर्णता दिने, केन्द्रीय महाधिवेशन आयोजक कमिटी गठन गर्ने बुझिएको छ ।