काठमाडौँ, २३ भदौ । नेपाल कम्युनिष्ट पार्टी नेकपा (एमाले) का उपाध्यक्ष सुवास नेम्वाङले एकीकृत समाजवादी पार्टीलाई जनताले नरुचाएको टिप्पणी गर्नुभएको छ । एमाले सम्पर्क समन्वय कमिटीद्वारा आज यहाँ आयोजित बृहत् कार्यकर्ता भेला तथा प्रशिक्षणमा उपाध्यक्ष नेम्वाङले समाजवादीमा गएका आफ्ना पार्टीका नेतालाई पुनःएमालेमा फर्कन आग्रह गर्नुभयो ।
एमालेबाट २० प्रतिशत सिट लिएर पार्टी फुटाएका माधव नेपालले गठबन्धनको साहारा लिएर पनि स्थानीय चुनावमा चार प्रतिशत मत पनि कटाउन नसकेको उहाँले आरोप लगाउनुभयो । उपाध्यक्ष नेम्वाङले चुनावमा एक्लै जाने हिम्मत नभएर कांग्रेस गठबन्धनको साहारामा निर्वाचनमा जान लागेको टिप्पणी गर्नुभयो ।
140
Shares
