भक्तपुर, असोज २४ । नेपाल निर्माण व्यवसायी महासंघका अध्यक्ष शरदकुमार गौचनको हत्यामा संलग्नलाई सरकारले तत्काल पक्राउ गरी सार्वजनिक नगरे आन्दोलनको घोषणा गर्ने महासंघका महासचिव रामशरण देउजाले चेतावनी दिएका छन् ।
रफत सञ्चार क्लबमा आयोजित कार्यक्रममा बोल्दै महासचिव देउजाले भोली साँझसम्म सरकारले आफ्ना मागहरु पुरा नगरे महासंघले देशभर आन्दोलन गर्ने र विकास निर्माण लगायतका कामहरु ठप्प गर्ने बताएका हुन् । अध्यक्ष गौचनको हत्यासँगै महासंघका अन्य पदाधिकारीलाई पनि अज्ञात नम्बरबाट धम्कीपूर्ण शैलीमा पैंसा माग्दै टेलिफोनहरु आईरहेको कारण महासंघका अन्य पदाधिकारीहरु पनि असुरक्षित रहेको उनले जानकरी दिए ।
सरकारले महासंघका अन्य पदाधिकारीको सुरक्षा प्रबन्ध सहित अध्यक्ष गौचनको हत्यामा संलग्नलाई तत्काल कानुनी दायरामा ल्याउन अनुरोध गरेका छन् । सरकाले हत्याराको खोजीलाई तिव्रता दिएको र यसको प्रतिफल छिट्टै निस्कने समेत आफूहरु आशाबादी रहेको उनले बताए । हत्यामा संलग्न पक्राउ नभएसम्म टिचिङ अस्पतालमा पोष्टमार्टमका लागी राखिएको अध्यक्ष गौचनको शव नबुझने समते उनले चेतावनी दिए ।
यो घटना राजनीतिक नभई आर्थिक लेनदेनको कारण भएको हुन सक्ने अध्यक्षको हत्या पश्चात आफ्नो कमिटिका बिभिन्न पदाधिकारीलाई आएको फोनका साथै प्रहरीको प्रारम्भिक अनुसन्धानले देखाएको उनले बताए ।
