पत्रकार आचारसंहिता पालना नगर्ने संचार संस्थालाई कारबाहीको दायरामा ल्याइने

असोज २९ । पत्रकार आचारसंहिता पालना नगर्ने सञ्चार संस्थानलाई कारबाहीको दायरामा ल्याइने प्रेस काउन्सिल नेपालका सदस्य संगीता खड्काले बताइन् ।

शनिबार काउन्सिलको सहकार्यमा नेपाल पत्रकार महासंघ बाँकेद्वारा आयोजित ‘पत्रकार आचारसंहिता पालनामा सञ्चार संस्थाको भूमिका’ विषयक अन्तरक्र्रिया कार्यक्रममा बोल्दै उनले सञ्चार संस्था नागरिकप्रति जिम्मेवार हुनुपर्ने कुरामा जोड दिँदै त्यसका लागि पत्रकार र सञ्चार संस्था कसैको आग्रह तथा पूर्वाग्रहमा लाग्न नहुने बताइन् ।

कार्यक्रममा महासंघका जिल्ला अध्यक्ष ठाकुरसिंह थारु, पूर्वअध्यक्षद्वय नीरज गौतम र रुद्र सुवेदी, पत्रकार कृष्ण खनाल, सकिल अहमद कादरी, आलम खान, दुर्गा रोकाय र तिलक गाउँलेले स्वतन्त्र तथा निष्पक्ष पत्रकारिता गर्नका लागि पत्रकार आचारसंहितालाई पालना गर्नुपर्ने धारणा व्यक्त गरे ।