डडेल्धुरा, मंसिर ३ । निर्वाचन अभियानका क्रममा उम्मेदवारहरुमाथि आक्रमणको प्रयास गर्नेहरुलाई कडा कारबाही गरिने प्रधानमन्त्री शेरबहादुर देउवाले चेतावनी दिएका छन् ।
निर्वाचनमा खटिएका उम्मेदवारहरुमाथि दिनहु आक्रमणको प्रयास बढ्न थालेपछि प्रम देउवाले त्यसप्रति घोर निन्दा र भत्सर्ना गर्दै दोषीमाथि कडा कारबाही गर्ने चेतावनी दिएका हुन् । चुनावी प्रचार प्रसार अभियानका क्रममा रहेका देउवाले चुनाव बिरोधी गतिविधिहरु दोेहोरिन नदिने बताए ।
उनले सुरक्षा निकायसँग तत्काल बैठक बसेर निर्वाचन विरोधी गतिविधि रोक्नका लागि उच्च सुरक्षा सतर्कता अपनाउने स्पष्ट पारेका छन् । चुनावी प्रचार प्रसार अभियानमा डढेल्धुरामा रहेका प्रधानमन्त्री देउवाले सोमबार काठमाडौं फर्की सुरक्षा परिषदको बैठक बसेर सुरक्षा व्यवस्थालाई अझै सुदृढ बनाउने पनि उल्लेख गरेका छन् ।
उनले निर्वाचन विरोधी गतिविधिलाई निस्तेज पार्न सरकारले चार वटै सुरक्षा निकायलाई उच्च सतर्कता अपनाउन सचेत गराईएको पनि स्मरण गराए ।
