मंसिर १३ । विश्वमा कम्युनिजमले समस्या सृजना गर्यो तर समाधान दिन नसकेकाले कम्युनिजम हराउन लागेको नेपाली कांग्रेसका वरिष्ठ नेता रामचन्द्र पौडेलले बताएका छन् ।
स्याङजाको वालिङमा आयोजित चुनावी सभा कार्यक्रममा बोल्दै नेता पौडेलले नेपालमा पनि कम्युनिष्टहरुले समस्या मात्र सृजना गरेको बताउदै मुलुकलाई निकास दिन मुलुकलाई समाधान गर्नका लागि लोकतन्त्रवादी र कांग्रेस आवश्यक भएको बताए । उनले एमाले अध्यक्ष केपी ओली राष्ट्रवादी र माक्र्सवादी दुवै नभई उट्फट्याङवादी भएको बताएका छन् ।
एमाले अध्यक्ष ओलीको उट्फट्याङले मुलुक झण्डै बिखण्डन भएको भन्दै केपी ओली न माक्र्सवादी हो न राष्ट्रवादी हो, ओली उट्फट्याङवादी हो बरिष्ठ नेता पौडेलले भने ।
0
Shares
