रसुवा, मंसिर २२ । विहीबार सम्पन्न प्रतिनिधिसभा र प्रदेशसभाको निर्वाचन अन्तर्गत एक मात्र निर्वाचन क्षेत्र रहेको रसुवामा प्रतिनिधिसभातर्फको मतगणना कार्य जारी छ ।
मुख्य निर्वाचन अधिकृत पुनाराम खनालका अनुसार अहिलेसम्मको मतगणनामा लोकतान्त्रिक गठबन्धनका उम्मेदवार मोहन आचार्यले ६ हजार ४७५ मत प्राप्त गरेका छन् भने वाम गठबन्धनका उम्मेदवार जनार्दन ढकालको पक्षमा चार हजार २५१ मत प्राप्त भएको छ ।
यसैगरी, प्रदेश (क) मा नेपाली काँग्रेसका प्रभात लामाले पाँच हजार ३११ मत तथा नेकपा (एमाले)का करन्याल तामाङले चार हजार ३६९ मत ल्याएका छन् । प्रदेश ‘ख’ मा भने मतगणना हुन सकेको छैन ।
0
Shares
