प्रधानमन्त्री देउबा भारी मत अन्तरले विजयी

प्रधानमन्त्री देउवा डडेल्धुराबाट छैटौँपटक विजयी भएका हुन् । देउवाले २८ हजार ४४ मत ल्याएर विजयी हुँदा  उनका निकटतम प्रतिद्वन्द्वी वाम गठबन्धनका उम्मेदवार माओवादीका खगराज भट्टले २१ हजार ११५ मत ल्याएर पराजित भए ।

माओवादीकाभट्ट प्रधानमन्त्री देउवासँग तेस्रो पटक पराजित भएका हुन् ।  प्रधानमन्त्री देउवाले मतगणनाको सुरुवातबाट नै अग्रता लिएका थिए । देउवाले डडेल्धुरा बाट विसं २०४८ यताका सम्पूर्ण चुनाव जित्दै आएका छन् ।

उनले विसं २०६४ को पहिलो संविधानसभा निर्वाचनमा कञ्चनपुर र ०७० दोस्रोमा कैलाली क्षेत्रबाट पनि चुनाव जितेका थिए  । यसैगरी प्रदेशसभामा डडेल्धुरा प्रदेश नं १ मा वाम गठबन्धनका उम्मेदवार पठानसिंह बोहराले १३ हजार ५६३ मत ल्याएर विजयी भएका हुन् । उनका प्रतिद्वन्द्वी काँग्रेसका उम्मेदवार रघुवर भट्टले ११ हजार ३९४ मत ल्याएर पराजय भोग्नुपरेको छ ।